मिस एण्ड मिसेस फेमिना ईन्टरनेशनलको टैलेन्ट राउण्ड सम्पन्न,ग्राण्ड फिनाले आगामी शनिवार आर्मी अफिसर्स क्लबमा

राष्ट्रखबर-

बिश्व मिडियाको आयोजनामा बिवाहित महिला तथा युवतीका लागि अन्तरराष्ट्रियस्तरको प्रतियोगिता मिस एण्ड मिसेस फेमिना ईन्टरनेशनलको टैलेन्ट राउण्ड ललितपूरको ग्वार्कोस्थित १९९ व्याकेंटमा सम्पन्न भएको छ । नेपाल अधिराज्यभरबाट छनौट भएका ३१ जना प्रतिस्पर्धीहरुले १ महिना लामो प्रशिक्षण पश्चात नृत्य, गायन, अभिनय, चित्रकला र वक्तृत्व कलामा आ–आफ्नो प्रतिभा प्रदर्शन गरेका थिए । प्रतियोगीहरुले देखाएको प्रतिभाको निणार्यक मण्डल तथा दर्शक दिर्घाबाट निकै प्रशंसा पाएको थियो । प्रतियोगिताको ग्राण्ड फिनाले आगामी शनिवार २ गते आर्मी अफिसर्स क्लब, सुन्धारामा सम्पन्न हुने जानकारी मिडियाका प्रबन्ध निर्देशक त्रिज्ञा भेलेले जानकारी दिईन ।

प्रतियोगीहरुले अन्तिम प्रतिस्पर्धाका लागि नेपालका प्रतिष्ठित एवं चर्चित विशेषज्ञ तथा प्रशिक्षकबाट संन्चारकला, बिकाश मोटिभेसन, लिडरसिप , पब्लिक स्पिकिङ, करियर काउन्सिल लगायतका प्रशिक्षण लिइरहेका छन् । प्रतियोगितामा प्रतिभा र व्यक्तित्व विकास, कुशल बोलीचाली अभ्यास, नेतृत्व क्षमता अभिवृद्धि तालिम, रिस व्यवस्थापन र समय व्यवस्थापन, बाल जनचेतना र अधिकार, स्टेज प्रस्तुति र मोडलिङ्गको ज्ञान प्रदान गरिरहेको छ ।

पृथक सौन्दर्य प्रतियोगीता आयोजना गरेर चर्चा कमाएको बिश्व मिडियाले बिवाहित महिला तथा युवतीहरुको प्रतिभा निखार्ने तथा उनीहरुको हकहितको संरक्षण तथा थप जिम्मेवार बोध गराउन र समाजप्रति उत्तरदायी र उत्प्रेरित बनाउन प्रतियोगिताको आयोजना गर्न लागिएको बिश्व मिडियाका प्रमुख अधिकृत अधिकृत बिक्रान्त पौडेलले जानकारी दिए । प्रतियोगिताको काष्ठमण्डप टेलिभिजनबाट प्रत्यक्ष प्रसारण हुने जनाइएको छ।

Leave a Reply

Your email address will not be published. Required fields are marked *