भारतीय अभिनेता मिथुन चक्रवर्तीका छोरा महाअक्षयमाथि दुष्कर्म र सहमती बिना गर्भपतन गराएको आरोप

भारतीय अभिनेता मिथुन चक्रवर्तीका छोरा महाअक्षयमाथि एक नायिकाले विवाहको प्रलोभन देखाएर दुष्कर्म र सहमती बिना गर्भपतन गराएको आरोप लगाएकी छिन् । पीडितले दिल्लीको बेगमपुर थानामा उनी विरुद्ध ऊजुरी दिएको तर पुलिसले दर्ता नगरेका कारण अदालतको ढोका ढक्ढकाएको जानकारी दिइन् । सोमबार रोहिणी कोर्टले महाअक्षय र उनकी आमा योगिता बाली विरुद्ध एफआइआर दर्ता गर्ने आदेश दिएको छ ।

नायिकाले महाअक्षयसँग आफ्नो भेट सन् २०१५ मा भएको जानकारी दिइन् । उनका अनुसार उनीहरुबीच फोनमा कुराकानी हुन थाल्यो । उनी भन्छिन्, ‘एकदिन महाअक्षयले उनलाई फिल्ममा रोल दिने भन्दै उनको फ्ल्याटमा बोलाए । नशालु पदार्थ मिसाएको पेय पदार्थमा पिलाएपछि दुष्कर्म गरेको र विरोध गर्दा विवाह गर्ने बचन दिएका थिए । त्यसपछि लगातार तीन वर्षसम्म थुप्रै पटक शारिरिक सम्बन्ध बनाएको र गर्भवती हुँदा केही ट्याब्लेट पनि खुवाए ।’

कुण्डली मिलाइरहेको भन्दै थुप्रै पटक विवाहको कुरा टार्ने गरेको पनि उनले जानकारी दिइन् । वकिलका अनुसार पीडितालाई गत महिनामात्र महाअक्षयको विवाह अर्की महिलासँग हुन लागेको थाहा भएको हो । उनीसँग यसबारे कुरा गर्दा महाअक्षयले नायिकाको नम्बर ब्लक गरिदिए । पीडिताले थुप्रै पटक मिथुनलाई यसबारे जानकारी दिने कोसिस गरिन् तर उनकी श्रीमती योगिता बालीले धम्की दिएर चुप गराइन् । अदालतले योगितालाई पनि आरोपी बनाउने आदेश दिएको छ ।

Leave a Reply

Your email address will not be published. Required fields are marked *