दुवईमा रेखा पौडेलले चुमिन सर्वोत्कृष्ट महिला संगीतकारको अवार्ड

नेपाली चलचित्रकी पहिलो महिला संगीतकार रेखा पौडेलले युएईको दुवईमा सम्पन्न भएको मोडल सङ्गस अवार्डमा सर्वोत्कृष्ट संगीतकारको अवार्ड जित्न सफल भएकी छिन । चलचित्र हमेशाको हमेशा बोलको गीत मार्फत उनले उक्त अवार्ड जित्न सफल भएकी हुन् । नेपालका चर्चित कलाकारहरुको प्रस्तुति सहित दुवईको एभरेस्ट क्लबमा अवार्ड भएको थियो ।
नेपाली कला, संस्कृति, सष्ट्रा तथा सर्जकको सम्मानमा समर्पित अन्तर्राष्ट्रिय अवार्ड’ भनिएको यो अवार्डमा राष्ट्रिय, चलचित्र, आधुनिक, भजन, लोकदोहोरी, पप, तीज गीत, फेशनलगायतका विभिन्न २८ विधामा अवार्ड प्रदान गरिएको थियो ।

एनआरएन दुवईका अध्यक्ष रमेश श्रेष्ठको प्रमुख आतिथ्यतामा भएको कार्यक्रममा अन्तर्राष्ट्रिय नेपाली कलाकार समाज ९इनास० युएईका अध्यक्ष रेखा घिमिरे, नेपाली एशोसिएसनका अध्यक्ष डा दिनेश आचार्य विशेष अथिति र आकाश कोइराला, यदु भट्टराइ, राम तामाङ, युएईमा क्रियाशील सामाजिक संस्थाका अध्यक्ष तथा प्रतिनिधिहरुलगायतका अतिथिहरु रहेका थिए । मोडल सङ्गस अवार्ड समारोहमा यूएईमा क्रियाशील सामाजिक व्यक्तित्वहरुको बाक्लो उपस्थिति रहेको थियो

फेसबुकका झण्डै ९ करोड प्रयोगकर्ता ह्याकरको निसानामा !

सोसल मिडिया साइट फेसबुकका झण्डै ९ करोड प्रयोगकर्ता ह्याकरको निसानामा परेका छन् ।

फेसबुकमा एक गम्भीर सुरक्षा त्रुटी देखापरेको र त्यसबाट ९ करोड प्रयोगकर्ता प्रभावित भएको फेसबुकले शुक्रबार जनाएको छ । यद्यपि, यो समस्या मंगलबार देखिएको र समाधान भैसकेको पनि फेसबुकले जनाएको छ ।  ह्याकरहरुले फेसबुकको भ्यूज एज फिचरको दुरुपयोग गरी प्रयोगकर्ताका डाटा लिक गरिदिएका छन् । फेसबुकको यो फिचरले प्रयोगकर्तालाई आफ्नो प्रोफाइल अरुले हेर्दा कस्तो देखिन्छ भन्ने कुराको प्रारुप देखाइदिन्छ ।

समस्या समाधानका लागि फेसबुकले ९ करोड प्रयोगकर्ताको लगइन रिसेट गरिदिएको छ । जसका कारण ती प्रयोगकर्ताको अकाउन्ट स्वतः लगआउट भएको छ र उनीहरुले पुनः लगइन गर्नुपरेको छ । पछिल्लो वर्षमा भ्यूजएज फिचर प्रयोग गरेका जुनसुकै प्रयोगकर्ताको अकाउन्टको लगइन रिसेट गरिएको हो ।

पछिल्लो साइबर हमला कसले र कहाँबाट गरेको भन्ने विषयमा जानकारी प्राप्त भैनसकेको फेसबुकले जनाएको छ । पछिल्लो समय साइबर सुरक्षा सम्बन्धी समस्याहरुसँग जुध्दै आएको फेसबुकका लागि यो ह्याकिङ अर्को टाउको दुखाईको विषय बनेको छ ।

पछिल्लो ह्याकिङको घटनासँगै फेसबुकले अनुसन्धान टुंगोमा नपुगुन्जेल सम्मका लागि भन्दै भ्यूज एज फिचरलाई अस्थायी रुपमा बन्द गर्दैछ । हाल प्रारम्भिक अनुसन्धानको काम भैरहेको र फेसबुकका के कति प्रयोगकर्ताको अकाउन्ट ह्याक भए नभएको विषयमा थाहा भै नसकेको फेसबुकले जनाएको छ ।

तथापी, अहिले समस्या समाधान भइसकेको हुँदा प्रयोगकर्ताहरुले आफ्नो पासवर्ड परिवर्तन गर्नुनपर्ने पनि फेसबुकले बताएको छ ।

 

आज मंगोलिया प्रस्थान गर्दै मेयर चिरीबाबु महर्जन

१४ असोज- ललितपुर महानगरपालिकाका मेयर चिरीबाबु महर्जन वातावरण र यातायात सम्बन्धी एसियाली स्तरको छलफल कार्यक्रममा सहभागी हुन अाइतबार मंगोलिया प्रस्थान गर्ने भएका छन् । उनी मंगोलिया एक सातासम्म चल्ने वातावरणिय दिगो यातायातका लागी एसियाली मन्चको छलफल कार्यक्रममा नेपालको प्रतिनिधित्व गर्दै त्यसतर्फ प्रस्थान गर्न लागेका हुन ।

कार्यक्रमका दौरानमा मेयर महर्जनले ‘यातायात माग ब्यवस्थापन निती र परिणाम’ बिषयक छलफल कार्यक्रमको अध्यक्षता गर्नुका साथै ‘एसियामा न्यून कार्वनयुक्त शहर र समुदायको विकास’ बिषयक समुहगत छलफलमा सहभागीता जनाउने छन् । मेयर महर्जनको भ्रमण खर्च आयोजकले ब्यहोर्ने शर्तमा उनी त्यसतर्फ प्रस्थान गर्न लागेका हुन । मेयर चिरीबाबु महर्जनको मंगोलिया भ्रमणका बिषयमा जानकारी गराउने उदेश्यले ललितपुर महानगरपालिकाले एक प्रेस विज्ञप्ती जारी गरेको छ । महानगरका प्रवक्ता राजु महर्जनद्वारा हस्ताक्षरित उक्त प्रेस विज्ञप्तीमा जनाइए अनुसार मेयर महर्जन अाइतबार ३० सेप्टेम्बरमा प्रस्थान गरि ०७ अक्टोबरमा स्वदेश फिर्ता हुने कार्यक्रम रहेको छ ।

आजबाट चाडपर्व लक्षित सुपथ मूल्य पसल सञ्चालन

सरकारले आजबाट सुपथ मूल्य पसल सञ्चालन गर्ने भएको छ । विगत वर्षहरुमा दशैं–तिहारलगायत चाडपर्वलाई लक्षित गरेर यस्ता पसलहरु सञ्चालन गर्दै आएको विभागले यस वर्ष पनि त्यसलाई निरन्तरता दिन लागेको हो ।

सुपथ मूल्य पसल सञ्चालनको नेतृत्व गरेको वाणिज्य, आपूर्ति तथा उपभोक्ता हित संरक्षण विभागले उपत्यकासहित देशका विभिन्न ४७ स्थानमा यस्ता सुपथ मूल्य पसल सञ्चालन गर्ने जानकारी दिएको छ । आजदेखि खुल्ने सुपथ मूल्य पसल कात्तिक २३ सम्म सञ्चालन गर्ने विभागको तयारी छ ।

विभागका अनुसार, नेपाल खाद्य संस्थान, साल्ट ट्रेडिङ कर्पोरेशन र दुग्ध विकास संस्थान, विभागमा दर्ता भएका सहकारीले आफ्नै तरिकाले त्यस्ता सुपथ मूल्य पसल सञ्चालन गर्नेछन् । कतिपय स्थानमा भने विभागको नेतृत्वमा खाद्य, साल्ट ट्रेडिङ, र दुग्ध विकास संस्थानको संयुक्त पसल सञ्चालन हुँदैछ ।

यसरी सञ्चालन हुने सुपथ मूल्य पसलले विद्यमान मूल्यमा ५ देखि १० प्रतिशतसम्म छुट हुने विभागले जनाएको छ । साल्ट ट्रेडिङले उपत्यकाभित्र ९ स्थानमा स्टल र तीन घुम्ती पसल सञ्चालन गर्दैछ । उपत्यका बाहिरका आफ्ना २४ डीपो तथा कार्यालयबाट पनि उसले सामान बिक्री गर्ने प्रबन्ध मिलाएको छ ।

दुग्ध विकास संस्थानले पनि आफ्ना उत्पादनहरुमा छुटको व्यवस्था गरेको छ । उसले आफ्ना उत्पादनहरु बिक्री स्थलहरुबाट बिक्री हुने भएको जानकारी दिँदै लाभ लिन सबैमा आग्रह गरेको छ ।

 मिस्टर एण्ड मिस ग्रेस प्लस टुको उपाधि सुजित थापा र सारा श्रेष्ठले जिते

मिस्टर एण्ड मिस ग्रेस प्लस टुको उपाधि सुजित थापा र सारा श्रेष्ठले जितेका छन् । फाईनलमा प्रवेश गरेका कुल २० जना प्रतिष्पर्धीलाई पछि पार्दै सुजित र साराले यो उपाधि जितेका हुन् । इपी एजुकेशन अष्ट्रेलियाले प्रस्तुत गरेको उक्त कार्यक्रमलाई ग्रेस इभेन्टले आयोजना गरेको थियो । लुम्बिनी एकेडेमिक कलेजले कार्यक्रमको मुख्य प्रयोजन गरेको थियो ।

कार्यक्रममा पुरुष तर्फबाट सुजन कडेल रनरअप घोषित भए भने महिलातर्फ सुपर्वा शाक्य फष्ट रनरअप भईन् भने, रीजा भट्ट सेकेण्ड रनरअप र श्रीजना घिमिरे थर्ड रनरअप भएका थिए । त्यसैगरी उषा सिंह गीरीले अर्गनाईजर च्वाईसको ताज लगाउन सफल भईन् ।

कार्यक्रममा अन्य सव टाईटलहरु जित्नेका क्रमशः मिश कन्फिडेन्टमा सुस्मिता दाहाल, व्यूटिफुल आईजमा सदिक्षा थापा, मिस क्याटवाकमा अनिशा अधिकारी, बेष्ट ड्रेसमा अनु थिङ र अन्जन गजमेर, मोष्ट पपुलरमा उषा सिंह गीरी, भ्युअर्स च्वाईसमा श्रीजना धिमिरे, बेष्ट फिगरमा करुण गरुङ उत्कृष्ट भएका थिए ।

त्यसैगरी मिस चार्रमिङको उपाधि सरिता तामाङ, व्युटिफुल हेयर सुपर्वा शाक्य, मिस स्टाईल दिभा रजिता रेग्मी, मोष्ट एक्टिभ सारा श्रेष्ठ, बेष्ट स्कीन श्रीजना घिमिरे, मिस बब्ली कृतिका आचार्य, क्युपिट मिस फोटोजेनिक सन्ध्या तामाङ, क्यिुपिट मिस्टर फोटो जेनक अन्जन गजमेर, मिस्टर कन्फिडेन्ट सुजित थापा, मिस्टर पर्सनालिटि दिवाकर घिमिरे,मिस्टर एण्ड मिस ट्यालेन्ट अन्जन गजमेर र अनु थिङ, मोष्ट फ्याङ्क्ली रेश्मा मल्लिक, मोष्ट पंचुअल अनिशा अधिकारी, मोष्ट डिसिपिलिङ संजिना डंगोल, मोस्ट इन्टरटेनर सुजन कडेलले जितेका थिए ।

चन्दन कौशिक प्रमूख अतिथि रहेको कार्यक्रमको प्रमूख निर्णयकमा आनन्द कार्की र निर्णयकहरुमा सिन्धु मल्ल, निरेन बिष्ट, सोनित राज ढुङ्गेल, टेकराज पाण्डे र पूर्णिमा राना रहेका थिए । उक्त कार्यक्रमको कोरियोग्राफि नमिता भण्डारीले गरेकी थिईन् भने फोटोग्राफरको जिम्मेवारी बिन्द्रा प्रजापतिले निभाएका थिए भने भिडियोग्राफिको जिम्मेवारी सुरेश तामाङको रहेको थियो । कार्यक्रमको नृत्य निर्देशन बिनुप शुनुवारले गरेका थिए । कार्यक्रम संयोजक ग्रेस इभेन्टका सिईओ सुरज थापा गरेका थिए ।

कार्यक्रममा आनान्द कार्की, सिन्धु मल्ल, महादेव त्रिपाटी, संगीता तामाङ, एल्ला बुल्च, अनिशा मगर, बिनुप शुनुवारलगायतले आ आफ्नो प्रस्तुति दिएको ग्रेस इभेन्टका अध्यक्ष सुरज अधिकारीले जानकारी दिए ।

चर्चित फेशन डिजाईनर तृष्णा गुरुङ्ग बर्षकै सर्वोत्कृष्ट फेशन डिजाईनरको अवार्ड चुम्न सफल

युएईको दुबईमा सम्पन्न मोडल सङ्गस अवार्ड मा चर्चित फेशन डिजाईनर तृष्णा गुरुङ्गले बर्षकै सर्वोत्कृष्ट फेशन डिजाईनरको अवार्ड चुम्न सफल भएकी छिन । ‘नेपाली कला, संस्कृति, सष्ट्रा तथा सर्जकको सम्मानमा समर्पित अन्तर्राष्ट्रिय अवार्ड’ भनिएको उक्त अवार्डमा तृष्णाले उक्त अवार्ड हात पारेकी हुन ।

दुवई, भारत तथा फिलिपिन्स लगायतका देशहरुमा समेत करीव दुई दर्जन भन्दा बढी फेशन शो आयोजना तथा आफ्ना डिजाईनहरु प्रस्तुत गरि अन्तराष्ट्रिय स्तरमा समेत चर्चा कमाउन सफल डिजाईनर तृष्णा गुरुङ्गले हालै मात्र गुरुङ्ग समुदायमा लोकप्रिय सौन्दर्य प्रतियोगीता मिस गुरुङ्ग ईन्टरनेशनलको आयोजना समेत गरेकी थिईन ।

 

फरक एवं क्रियटिभ डिजाईन गरेर नेपाली एवं विदेशी पहिरन पारखीहरु माझ रुचाईएकी डिजाईन तृष्णा दुवईमा फरक किसिमको फेशन शो को तयारी गर्दैछिन ।

शान्ताले जितिन आधुनिक गीत ‘फूल फुल्छ र’ बाट सर्वोत्कृष्ट मोडलको अवार्ड

मोडल सङ्गस अवार्डको आधुनिक गीत विधामा मोडल तर्फको अवार्ड नायिका शान्ता तामाङ्गले प्राप्त गरेकी छिन । मेलिना राईको स्वरमा रहेको ‘फुल फुल्छ र… बोलको गीतबाट उनले उक्त अवार्ड हात पार्न सफल भएकी छिन । युएईको दुवईमा सम्पन्न भएको उक्त अवार्ड पाए पछि खुशीले यसको श्रेय गीतमा आवद्ध सम्पूर्णलाई दिएकी छिन । गीतको सम्पूर्ण छायांकन समाजसेवी तिल बहादुर कार्कीको बाल आश्रममा छायांकन गरिएको थियो भने भिडियोमा आश्रममा आश्रित बालवालिका लगायत स्वयं तिल बहादुर कार्कीको समते अभिनय रहेको थियो ।

समाजसेवा सक्रिय शान्ता पेशाले पर्यटन व्यबसायी समेत हुन भने मिसेस गुरुङ्ग तथा मिसेस तामाङ्ग जस्ता लोकप्रिय ईभेन्टको आयोजक समेत हुन । एस के ईन्टरटेन्मेन्टकी प्रमुख शान्ता अभिनित नयां चलचित्र हिमालकी रानी प्रर्दशनको तयारीमा रहेको छ । चलचित्रको केहि गीत यस अगाडी नै सार्वजनिक भैसकेको छ ।

दुवईमा मोडल सङ्गस अवार्ड भव्य रुपमा सम्पन्न

युएईको दुबईमा मोडल सङ्गस अवार्ड सम्पन्न भएको छ । नेपालका चर्चित कलाकारहरुको प्रस्तुतिसहित वर्ड दुबईको मोन्ट क्लवमा अवार्ड सम्पन्न भएको हो । ‘नेपाली कला, संस्कृति, सष्ट्रा तथा सर्जकको सम्मानमा समर्पित अन्तर्राष्ट्रिय अवार्ड’ भनिएको यो अवार्डमा राष्ट्रिय, चलचित्र, आधुनिक, भजन, लोकदोहोरी, पप, तीज गीत, फेशनलगायतका विभिन्न २८ विधामा अवार्ड प्रदान गरिएको थियो ।

नेपालमा सफल सौन्दर्य प्रतियोगिता तथा विभिन्न फेशन शोहरु आयोजना गरेर चर्चा कमाएको मोडल सङ्गस नेपालले आयोजना गरेको अवार्ड कार्यक्रमा दुवईमा रहेका विभिन्न प्रतिष्ठित व्यक्तित्वहरुको आतिथ्य एवम् सहभागितामा रहेको थियो ।

एनआरएन दुवईका अध्यक्ष रमेश श्रेष्ठको प्रमुख आतिथ्यतामा भएको कार्यक्रममा अन्तर्राष्ट्रिय नेपाली कलाकार समाज (इनास) युएईका अध्यक्ष रेखा घिमिरे, नेपाली एशोसिएसनका अध्यक्ष डा. दिनेश आचार्य विशेष अथितिहरु   राम तामाङ,  डा. दिनेश आचार्य , गोपाल कडेल, मनोज श्रेष्ठ , सालिक सुवेदी, संजय पाण्डे, सुमन उदय, गोपी कृष्ण पंगेनी, तृलोचन कोइराला, आकाश खतिवडा, लक्ष्मन खनाल, मनु छेत्री, रमेश क्षितिज, समिम खान, जे सागर, दिपक पौडेल, आशिष पुरुश, अनुराग परियार, लक्ष्मन देयाली, राम तामाङ, एम डि बोहरा, सारिका सुनार, कुशल बुचा, भिम घिसिङ, दुर्गा बहादुर सुनुवार, दिब्या सुब्बा, सागर छेत्री, केबिन जङ थकुरी, सन्ध्या सुस्केरा, घनश्याम तिमिल्सिना , पृन्स गेलाल, ओमकार उप्रेती, लगायत  युएईमा क्रियाशील सामाजिक संस्थाका अध्यक्ष तथा प्रतिनिधिहरु लगायतका  रहेका थिए ।

‘नेपालबाट तीन दर्जनभन्दा बढी कलाकार सहभागीतामा हामीले दुवईमा मोडल सङ्गस अवार्ड भव्य रुपमा सम्पन्न गरेका छौं,’ मोडल सङ्गस नेपालका लागि आयोजक डेभिल सिंह राजपुतले भने ।

अवार्डको एसोसियट्समा पेजेन्ट नेपाल रहेको थियो । ‘नेपाली कला संस्कृतिलाई अन्तर्राष्ट्रियस्तरमा पुर्याउनका लागि हामीले दुवईमा यो अवार्ड गरेका हौं’, पेजेन्ट नेपालका सिइओ  तथा फेशन डिजाईनर ममथा बस्नेतले भने । दुवईमा भएका नेपाली कार्यक्रम मध्ये अहिलेसम्मकै उत्कृष्ट कार्यक्रम भएको अतिथिहरुले बताए ।

अवार्ड समारोहमा वेष्ट कमोपजमा रेखा पौडेल चलचित्र हमेशा हमेशाबाट, निर्देशकमा माधब खरेल चलचित्र बिरानो मायाबाट, नायकमा श्रीदेब भट्टराई चलचित्र बिरानो मायाबाट, आधुनिक गीतमा सिताराम पोखरेल साथ रहेछ तिम्रो मायामाबाट, राष्ट्रिय गीतमा सपन श्रेठ, तीज गीत शब्दमा गीता अधिकारी, तीज गीत स्वरमा नितु कोइराला, जुरी अवार्ड मोडलमा सुष्मा अधिकारी, अशोक तामाङ शब्द आधुनिक गीत, इन्दिरा भट्टराई गायिका, सुनिता श्रेष्ठ गायिका भजन, विनोद राज ढुङ्गेल गायक गजल, बाबु बोगटी बेष्ट म्युजिक कमपोज, नन्दा बस्याल म्युजिक भिडियो निर्देशन लोकदोहोरीलाई अवार्ड प्रदान गरिएको थियो ।

त्यस्तै शान्ता तामाङ बेष्ट मोडल आधुनिक गीत, मेनुका बोगटी बेष्ट मोडल फिटनेश, आशा थापा बेष्ट डान्स मोडल, प्रज्ञा ढुङ्गेल, बेष्ट मोडल फेशनेवल, अनु श्रेष्ठ, तिर्सना गुरुङ बेष्ट फेशन डिजाइनर, तिलबहादुर कार्की सोसियल अवार्ड, शुशिला थापा बेष्ट विजनेश अवार्ड महिला, अमिर न्यौपाने वेष्ट विजनेश अवार्ड पुरुष, शरिता श्रेष्ठ बेष्ट कराते प्लेयर खेलकुद, वर्षा कार्की बेष्ट इभेन्ट डाइरेक्टर डेव्यू, विकाश बश्याल बेष्ट मुभि डाइरेक्ट डेब्यु, शावित्री जोशी बेष्ट प्लेब्याक सिंगरलगायत २८ विधामा विभिन्न स्रष्टा सर्जकहरुलाई अवार्ड प्रदान गरिएको थियो ।

मोडल सङ्गस अवार्ड समारोहमा यूएईमा क्रियाशील सामाजिक व्यक्तित्वहरुको बाक्लो उपस्थिति रहेको थियो ।

मूल्यवृद्धि फिर्ता नलिए दशैंका लागि अग्रिम टिकट बुकिङ नगर्ने

काठमाडौं । यातायात व्यवसायीहरुले सरकारले सोमबार गरेको इन्धनको मूल्यवृद्धि फिर्ता नलिए दशैंका लागि अग्रिम टिकट बुकिङ नगर्ने चेतावनी दिएको छ ।

मंगलबार विज्ञप्ति जारी गरी नेपाल यातायात व्यवसायी राष्ट्रिय महासंघले सरकारले ४८ घण्टाभित्र मूल्यवृद्धि फिर्ता नलिए दशैंको अग्रिम टिकट बुकिङ खुल्ला गर्न बाध्य नहुने बताएको छ ।

महासंघका अध्यक्ष योगेन्द्र कर्माचार्यद्वारा जारी विज्ञप्तिमा भनिएको छ ‘‘मूल्यवृद्धिसम्बन्धी निर्णयलाई नेपाल सरकारले ४८ घण्टाभित्र फिर्ता लिई हिन्दूहरुको महान चाडमा आवतजावत गर्ने उपभोक्ता वर्गलाई सहज रुपमा आवतजावत गर्ने वातावरण सिर्जना गर्न यस महासंघ हार्दिक अपिल गर्दछ । साथै उक्त दुबै मूल्यवृद्धि फिर्ता नलिएमा यस महासंघले अग्रिम बुकिङ खुला गर्न बाध्य नहुने व्यहोरा समेत यसै विज्ञप्तिमार्फत नेपाल सरकार लगायत सबै पक्षमा अनुरोध छ ।’

नेपाल आयल निगमले असोज २ गते राति १२ बजेदेखि लागू हुने गरी पेट्रोलमा प्रतिलिटिर २ रुपैयाँ र डिजेल र मटितेलमा प्रतिलिटर ३ रुपैयाँ मूल्यवृद्धि गरेको थियो ।