Dr. govinda kc

रक्तचाप कम हुँदै गएपछि ६ दिनदेखि अनशनरत प्रा.डा.केसीलाई अस्पताल भर्ना गरियो

इलाम, पुस-३० ।

इलाममा विगत ६ दिनदेखि अनशनरत प्रा.डा. गोविन्द केसीको रक्तचाप कम हुँदै गएपछि जिल्ला अस्पताल इलाममा भर्ना गरिएको छ ।

चिकित्सकहरुले गरेको स्वास्थ्य परीक्षणका क्रममा डा. केसीको स्वास्थ्यमा गम्भीर समस्या आउन थालेको पाइएपछि उनलाई अस्पताल भर्ना गर्न आग्रह गरिएको थियो ।

चिकित्सकहरुको सल्लाहअनुसार नै केसीलाई सोमबार विहान जिल्ला अस्पतालमा भर्ना गरिएको हो । प्रा.डा. केसीले भने अस्पतालमा भर्ना हुन अस्वीकार गर्दै आएका थिए ।

केसीलाई स्वास्थ्य कमजोर बन्दै गएकाले तत्काल अस्पतालमा जानुपर्ने सुझाव चिकित्सकहरुले दिएका थिए ।

इलाममा अत्याधिक चिसो बढेकाले पनि उनको स्वास्थमा समस्या थपिएको हो । चिकित्सा क्षेत्र सुधारलगायतका विषय माग गर्दै उनी १६ औं चरणको अनशनमा वसेका छन् ।

डा. केसीले आफूसँग भएको पूर्वसहमति कार्यान्वयन गर्न समेत सरकारसँग माग गर्दै आएका छन् ।

Leave a Reply

Your email address will not be published. Required fields are marked *