मिलाप फाउण्डेसनद्वारा नुवाकोटमा निःशुल्क स्वास्थ्य शिविर आयोजना

नुवाकोट । मिलाप फाउण्डेसनद्वारा निःशुल्क स्वास्थ्य शिविर अयोजना गरिएको छ । ‘गरे के असम्भव, एक सामाजिक अभियान’ भन्ने मूल नारासहित सामाजिक कार्य गर्दै आएको मिलाप फाउण्डेशनले जेठ ४ गते शनिबार नुवाकोटको विदुर नगरपाालिका, वडा नं। ७, साहुगाउँमा निःशुल्क स्वास्थ्य शिविर अयोजना गरेको हो । अल्का अस्पताल काठमााडौं र जिल्ला सामुदायिक आँखा केन्द्र नुवाकोटका चिकित्सकहरुले विरामीहरुको स्वास्थ्य परिक्षण गरेका थिए । बच्छलादेवी बहुउद्देश्यीय सहकारी संस्था लि। नुवाकोटको सहकार्यमा भएको सो स्वास्थ्य शिविरमा पाँच सय भन्दा बढी व्यक्तिले स्वास्थ्य परिक्षण गराएका थिए ।

अल्का अस्पतालका स्त्री रोग विशेषज्ञ डा. जितेन्द्र सिंह र डा. गौरी शंकर यादव, एञ्जिला मालाकार लगायतले नुवाकोटको दुर्गम ठाउँमा आएर सेवा प्रदान गर्ने अवसर जुटेकोमा आयोजकलाई धन्यवाद दिएका थिए । स्वास्थ्य परिक्षणमा विरामीहरुलाई निःशुल्क औषधी पनि वितरण गरिएको थियो । विशुद्ध सामाजिक सेवाका भावनाले सामाजिक उत्तरदायित्वका कार्य गर्दै आएको मिलाप फाउण्डेसनले निःशुल्क शिविर अयोजना कार्यक्रममा साथ सहयोग पुर्याउने सबैलाई धन्यावाद दिदै आउँदा दिनहरुमा पनि समाजका विभिन्न क्षेत्रमा काम गर्ने फाउण्डेसनकी अध्यक्ष गीता अधिकारीले बताइन । उनले नेपालमा २०७२ सालमा गएको विनासकारी भुकम्पमा आहत भएकाहरुलाई तत्काल राहत पुर्याउने कार्य गरेको स्मरण गर्दै फाउण्डेसनले समय समयमा सामाजिक कार्य गर्दै आएको बताउँदै, अब यसलाई अझ विस्तृत रुपमा लैजान आफूहरु तयारी गरिरहेको जनाकारी गराइन । शिविर कार्यक्रमलाई प्रत्यक्ष रुपमा साथ दिनु हुने बरिष्ठ समाजसेवी डा.सुशिला मल्ल, अल्का अस्पतालका निर्देशक बिद्या श्रेष्ठ, तिलगंगा आंखा केन्द्रका डा.बेन लिम्बु, युवा व्यबसायी एवं समाजसेवी सुवाष न्यौपाने, व्यबसायी अशोक तामाङ्ग, होटल मम्स होमका सुर्दशन न्यौपाने, कलाकार निरु खड्काको योगदानका आयोजकले धन्यवाद व्यक्त गरेको थियो ।

वडा नं. ७ का वडा अध्यक्षले मिलापले आफ्नो ठाउँमा आएर निःशुल्क शिविर बाट यहाँका जनतालाई प्रत्यक्ष सहयोग पुर्याएकोमा धन्यवाद दिएका थिए । त्यस्तै बच्छलादेवी बहुउद्देश्यीय सहकारी संस्था लि.का मुकुन्द घिमिरेले साथ सहयोगका लागि सबैलाई धन्यवाद दिएका थिए । शिविरमा फाउण्डेसनका उपाध्यक्ष राज लुईंटेल, महासचिव किरणप्रसाद अधिकारीले सामाजिक उत्तरदायित्वका कार्यहरुलाई निरन्तरता दिने बताए । कार्यक्रममा फाउण्डेसनका सचिव गोकर्ण लामिछाने, सदस्यहरु सारिका घिमिरे, प्रल्लाहद केसी, योगेश काजीको सक्रिय सहभागिता रहेको थियो । मिलाप फाउण्डेशनले गत चैत्र ८ गते नुवाकोट जिल्लाकै विदुर–३ मैतार स्थित चण्डी आधारभूत विद्यालयका विद्यार्थीहरुलाई शैक्षिक तथा खेलकुद सामाग्री वितरण गरेको थियो ।

Leave a Reply

Your email address will not be published. Required fields are marked *