गायक योगेश काजी तथा गायिका सारिका घिमिरेको ‘ मेरो मायाले छुन्छ छुदैन’ म्यूजिक भिडियो सार्वजनिक (भिडियो सहित)

गायक योगेश काजी तथा गायिका सारिका घिमिरेको स्वरमा रहेको ‘ मेरो मायाले छुन्छ छुदैन’बोलको रोमान्टीक गीतको म्यूजिक भिडियो सार्वजनिक भएको छ । गीत रचना तथा साहित्यिक विधामा थुप्रै रेकर्डहरु कायम गरि गिनिज बुक वल्र्ड रेकर्ड बनाएर चर्चा पाउन सफल गीतकार डा.डि.आर. उपाध्यायको शब्द, चर्चित गायक एवं संगीतकार योगेश काजीको सङ्गीत तथा एरेन्ज रहेको गीतको भिडियो सार्वजनिक भएको हो । गम्भीर विष्टले कोरियोग्राफी र निर्देशन गरेको गीतको भिडियोमा कार्टुन क्रुजका आष्मा विश्वकर्मा र सरोज अधिकारीसहित उनको समूहले अभिनय गरेको छ ।

भिडियोमा अर्जुन तिवारीको डिओपी, अर्जुन तिवारीको छायांकन, नविन निरौलाको सम्पादन रहेको छ । भिडियोलाई डिआर म्यूजिक एण्ड क्रियसनको अफिसियल युट्युब च्यानलबाट सार्वजनिक गरिएको हो । पछिल्लो पुस्तालाई लक्षित गरिएको गीतको भिडियो उत्कृष्ट बनेको छ ।

नायिका तथा मोडल सारिका घिमिरे यतिवेला गीत मार्फत पनि स्रोता र दर्शकको मन जित्न सफल भएकी छन् भने योगेशकाजीका गीत पनि एक पछि अर्को स्रोता तथा दर्शकको रोजाइमा रहेका छन् । यस अघि यि दुई जोडीको हेलो बोलेको गीत निकै चर्चामा रहेको थियो ।
हेलोलाई जसरी दर्शक श्रोताले चर्चाको शिखरमा पुर्याए त्यसै गरि यस गीतबाट पनि उतिकै माया पाउनेमा गायक योगेश तथा गायिका सारिका बताउछन ।

म्यूजिक भिडियो :

Leave a Reply

Your email address will not be published. Required fields are marked *