काठमाडौं
क्षेत्र नं ३ काठमाडौँमा नेपाली काँग्रेसले सहकारी तथा गरिबी निवारण मन्त्री अम्बिका बस्नेत, विपी सङ्ग्रहालय समितिका अध्यक्ष परशुराम पोखरेल, हरिबोल भण्डारी र कृष्णजी खड्काको नाम केन्द्रमा पठाएको छ । नेकपा एमालेले भने सो क्षेत्रमा पार्टीका जिल्ला अध्यक्ष कृष्ण राईको नाम सर्वसम्मत सिफारिश गरेको छ ।
यतिखेर भने काठमाडौँ क्षेत्र नं ३ को माहोल भने तातिरहेको छ । उम्मेदवार सिफारिश सम्बन्धमा चिया गफ हुन थालेको छ । यो क्षेत्रमा अम्बिका बस्नेत र परशुराम पोखरेल बिचमा प्रतिस्प्रधा हुने देखिन्छ । यद्यपि सो क्षेत्रमा बलियो पकड भने पोखरेलले बनाएका छन । स्थानीयहरुको अवाज समेट्ने हो भने माननीय बस्नेत भन्दा पोखरेलको अवस्था बलियो छ र उहाँले टीकट पाएमा जित पक्का छ । लामो समय देखि निरन्तर रुपमा समाजसेवामा तल्लिन भएका पोखरेल आम जनता माझ लोकप्रिय भएका कारण पनि जित्ने आधारहरु बलिया देखिन्छन् । काँग्रेसले सो क्षेत्रमा आफ्नो सिट सुरक्षित राख्छ कि राख्दैन, त्यो भने चाँही हेर्न नै बाँकी छ ।
