आईपीएल युएईमा हुने,तालिका सार्वजनिक

काठमाडौं। इन्डियन प्रिमियर लिग (आईपीएल)का लागि भारत सरकारले अनुमति दिएको छ। भारतीय क्रिकेट बोर्ड (बीसीसीआई)का अनुसार भारत सरकारले फ्रेन्चाइज क्रिकेटको सबैभन्दा ठूलो प्रतियोगिता आईपीएलका लागि अनुमति दिएको हो। युएईमा सेप्टेम्बर १९ देखि नोभेम्बर १० तारिख सम्पन्न हुने गरी प्रतियोगिताको तालिकासमेत सार्वजनिक भएको छ।

कोरोना भाइरसका कारण पूर्वनिर्धारित मितिमा हुने बारे निश्चित थिएन। तर, पनि हालसम्म आईपीएलका सबै प्रायोजकहरू कायमै छन। यसको मतलब चिनियाँ प्रायोजक भिभो नै आईपीएलको मुख्य प्रायोजकको रूपमा रहने छ।

आईपीएल सेप्टेम्बर १९ मा शुरू भएर ५३ दिनसम्म चल्नेछ र नोभेम्बर १० मा फाइनल हुनेछ। जसले प्रसारकहरूलाई दिवाली हप्ताको फाइदा दिनेछ। बीसीसीआईका एक अधिकारीले यस पटकको आईपीएलमा १० दिनसम्म एकै दिनमा दुई खेल खेलाइने बताए।

Leave a Reply

Your email address will not be published. Required fields are marked *