पाकिस्तानी शहर पेशावरस्थित एक कलेजमा प्रवेश गरी बन्दुकधारीहरुले अन्धाधुन्ध गोली चलाउँदा कम्तीमा नौ जनाको ज्यान गएको छ। मारिनेमध्ये ८ जना विद्यार्थी र एक जना कर्मचारी रहेको प्रहरीले बताएको छ। अन्य ३६ जना घाइते छन्। बुर्का लगाएर तीन पुरुष रिक्सामा पेशावरस्थित कृषि तालिम केन्द्र पुगेको र त्यहाँभित्र प्रवेश गरेको बताइएको छ। पाकिस्तानी सेनाका अनुसार सबै आक्रमणकारीहरु मारिएका छन्। पाकिस्तानी तालिवानले आक्रमण आफूहरुले गराएको बताएको छ। कलेजभित्रबाट एउटा ठुलो विस्फोटको आवाज सुनिएको सेनालाई उद्धृत गर्दै स्थानीय सञ्चारमाध्यमले जनाएका छन्। अहिले प्रहरी र सेनाले उक्त क्षेत्रलाई घेराबन्दी गरेका छन्।उक्त कलेजमा ४०० जना विद्यार्थीहरु रहेका थिए।
लोकप्रिय समाचार
