अकुत सम्पत्ति आर्जनमा अख्तियार दुरुपयोग अनुसन्धान आयोगले छानबिन जारी राखेका आन्तरिक राजश्व विभागका निलम्बित महानिर्देशक चूडामणि शर्मा फरार भएको समाचारलाई आज जनता पोस्ट दैनिकले लेखेको छ । कर फछ्यौट आयोगको मुद्दामा विशेष अदालतबाट एक करोड धरौटीमा छुटेका शर्मालाई अख्तियारले अकुत सम्पत्तिको अनुसन्धानमा मुद्दा दायर गरेको थियो । अनुसन्धान अन्तिम चरणमा पुग्न लाग्दा शर्मा फरार भएका हुन् ।
समाचार अनुसार, बयानकै क्रममा उनले आफू बिरामी परेकाले बयानका लागि आउन नसक्ने निवेदन अख्तियारमा पेश गरेका थिए । अख्तियारले पटकपटक बयानमा बोलाउँदा पनि शर्मा अख्तियार नगएको स्रोतको हवाला दिँदै जनता पोस्ट दैनिकले समाचार लेखेको छ । शर्मा फरार भएसँगै अख्तियारले उनका नाममा पुर्जी काटेको छ ।
लोकप्रिय समाचार
