डिल्लीबजार कारागारबाट केहि दिन अगाडि फरार भएका कैदी टिकाबहादुर थापा “टिके”लाई प्रहरीले गोली हानेको छ । प्रहरीको गोली उनको हात र तिघ्रामा लागेको चितवन प्रहरी प्रमुख दिपक थापाले बताएका छन ।
माघ ४ गते डिल्लीबजार कारागारबाट भागेका उनि चोरी, लुटपाट र डकैत सम्बन्धी घट्नामा पटकपटक पक्राउ पर्ने गरेका थिए। थापा र प्रहरी टोलीबीच चितवनको रामनगरस्थित पेट्रोल पम्प अगाडि गोली हानाहान भएको हो । पक्राउ गर्न गएको प्रहरी टोलीमाथि गोली चलाएपछि महानगरीय अपराध महाशाखाको टोलीले जवाफी फायरिङ गरेको थियो ।
ना ४७ प ५०५२ नम्वरको मोटरसाइकलमा चढेर आएका दुई जना मध्ये पछाडि बस्ने थापाले प्रहरीमाथि फायर गरेका थिए । थापा मुग्लिनबाट नारायणगढ तर्फ आउँदै गरेको सूचनाका आधारमा अपराध महाशाखा र जिल्ला प्रहरी कार्यालयको संयुक्त टोलीले रामनगरमा चेकजाँच गरेको थियो ।
लोकप्रिय समाचार
