भारत यू–१९ विश्वकपको फाइनलमा पाकिस्तानमाथि २०३ रनको शानदार जित हात पार्दै भारत यू–१९ विश्वकप क्रिकेटको फाइनलमा प्रवेश गरेको छ । क्राइस्टचर्चमा पहिले ब्याटिङ गरेको भारतले ५० ओभरमा ९ विकेट गुमाएर २७२ रन बनायो । जवाफमा मैदान उत्रिएको पाकिस्तान मात्र ६९ रनमा अलआउट भयो । १० रन जोड्दा पहिलो विकेट गुमाएको पाकिस्तानले ठूलो साझेदारी गर्नै सकेन । उसका लागि रोहल नजिरले बनाएको १८ रन बनाए भने साद खानले १५ र मोहम्मद मुसाले ११ रन बनाए । अन्य ब्याट्सम्यानले दोहोरो अंक जोड्न सकेनन् । पाकिस्तानलाई सस्तैमा समेट्ने क्रममा इशान पोरलले १७ रन दिएर ४ विकेट लिए भने शिव सिंह र रियान परागले समान २–२ विकेट हात पारे । कप्तान पृथ्वी शाह र मञ्जोत कालराले पहिलो विकेटका लागि ८९ रनको साझेदारी गरे । साह ४१ रनमा आउट भए ।सातौं विकेटका लागि अंकुल रोयले गिलसँग ७७ रनको साझेदारी गरे । रोय ३३ रनमा आउट भए भने गिल १०२ रनमा अविजित रहे । अब भारतले उपाधिका लागि अष्ट्रेलियासँग खेल्नेछ ।
