अन्तर्राष्ट्रियस्तरको कुस्ती प्रतियोगिता बिहीबारदेखि शुरु भएको छ । शुद्धोधन गाउँपालिका लभनीको आयोजनामा तीनदिने विराट अन्तरराष्ट्रिय कुस्ती प्रतियोगिता बिहीबारदेखि शुरु भएको हो ।स्थानीयस्तरमा रहेका खेलाडीको विकास र शारीरिक विकास सँगसँगै नेपाल र भारतका खेलाडीबीचको आपसी मैत्रीभाव विस्तार गर्ने मुख्य उद्देश्यका साथ तीनदिने कुस्ती (दंगल) प्रतियोगिताको आयोजना गरिएको आयोजक समितिका अध्यक्ष भागीरथी यादवले बताए । प्रतियोगिताको उद्घाटन गर्दै नेकपा (एमाले) का नेता तथा समाजसेवी अजिजुर रहमान शेषले लोपोन्मुख खेलको जगेर्ना गर्दै नेपाल–भारतबीचको आपसी सम्बन्ध बलियो बनाउने विश्वास व्यक्त गरे । प्रतियोगिताको समापन शनिबार हुनेछ ।
लोकप्रिय समाचार
