नेपालीको प्रमुख चाड दसैँको टिकाको दिन हो आज । आज आफूभन्दा ठूला मान्यजनबाट टीका थापेर आशीर्वाद लिने दिन हो । आज इष्टमित्र भेटघाट गर्ने दिन पनि हो । यो दसैँको विशेषता नै हो। कोरोना भाइरस संक्रमणको दर बढ्न थालेकाले अघिल्लो बर्ष जस्तो भेटघाट नगरौ. । यति बेला कोरोना भाइरसले सबैतिर चिन्ता बढाएको छ।
भेटघाट र भीडभाडले कोरोना संक्रमणको दर अझै बढने खतरा छ । दसैँमा मान्यजनहरूबाट टीका थाप्नका लागि बूढापाका÷ज्येष्ठ नागरिकहरूसमक्ष जानु पर्ने हुन्छ । यसले झन जोखिम बढने खतरा छ । त्यसैले आज टिका लगाउन भनेर अनावश्यक हिँडडुल र भीडभाड नगरौं । तपाई हामी सवै आआफ्नै घरभित्र बसेर दसैँ मनाऔं । यो महामारीबाट सुरक्षित हुन सकिए दसैँ त अर्को वर्ष पनि मनाउन सकिन्छ। हामीले अहिलेको अप्ठ्यारो परिस्थितिमा जो जहाँ छौं , त्यहीँ बसेर हाँसी , खुशी दसैँ मनाऔं । अव हरेक नागरिक सचेत हुनु पर्ने बेला आएको छ । अहिले हेलचेक्र्याइँ गर्दा संक्रमणको जोखिम बढ्ने मात्रै होइन, ज्यानै जान पनि सक्छ। त्यसैले आज ‘घरमै बसौँ, आफू र समाज सबैलाई सुरक्षित राखौँ । दसैँमा टीका थाप्न आउने , जाने आफन्त तथा नाताकुटुम्बबाटै संक्रमण फैलने सम्भावना छ । यसरी आफन्तलाई टीका थाप्न नआउनू भन्दा पनि नमज्जा लाग्ने । यो आफै बुझने कुरा हो । आफू, घर ,परिवार, समाज र मुलुकलाई संक्रमणबाट सुरक्षित बनाउने कार्यमा जुटौं । दसैँको यही मंगलमय शुभकामना ।
