शीर्ष नेता हो , तपाईहरु आफू हारेर भए पनि पार्टीलाई जिताउनुहोस्

  • डा.डिआर उपाध्याय

सत्तारुढ दल नेकपामा अहिले आरोप–प्रत्यारोपको शृंखला चलिरहेको छ । यो शृंखला कहिले सम्म चल्ने हो यसै भन्न सकिने अवस्था छैन । पहिले पनि आरोप–प्रत्यारोपको झगडा त हुन्थ्यो । लेनदेनको हिसाव मिले पछि झगडा बन्द हुन्थ्यो । तर अहिले झगडा पेचिलो बनेर गएको छ । दुवै थरीका आरोप–प्रत्यारोपको प्रकृति हेर्दा मिलेर जालान जस्तो देखिदैन । यो पार्टीलाई मिलाएर लैजानु पर्ने अहिलेको आबश्यकता हो । तर शीर्ष नेताहरु नै गम्भिर बन्न सकेनन् । नेकपामा लामो समय सम्म बिवाद हुँदा केहि तत्वहरु सल्वलाउन थालेका छन । यति बेला दुवै थरी शीर्ष नेताहरू मुलुकको भाग्य र भबिश्य निर्माण प्रति चिन्तित हुनु पर्दथ्यो , हुन सकेनन् । जनताले यो सरकारबाट आस मारिसकेका छन् । यो पार्टीको फुटको बीउ यसको एकताकालमै रोपिसकिएको थियो । सिद्धान्त, विचार र नीति बिना गरिएको एकताले समस्या ल्याउँछ । यो कुरा धेरै पहिले देखि उठेको हो । नेकपा जग बिनाको घर निर्माण जस्तो भएको छ । अहिले सत्तारुढ दल नेकपामा त्यही परिस्थिति देखा पर्दै छ । असैद्धान्तिक अर्थहीन हतारको एकताले अहिले नेकपालाई समस्यामा पारेको हो । प्रधानमन्त्री ओलीले चुनावी घोषणापत्रबमोजिम जनताको मन जित्न सक्नु पर्दथ्यो । तर उहाँले चुनावी घोषणापत्रबमोजिम जनताको मन जित्न सक्नु भएन । उहाँले पद, अवसर र जिम्मेवारीको न्यायोचित वितरण गरेर पार्टी मिलाएर लैजान सक्नु पर्दथ्यो , त्यो पनि सक्नु भएन । आफ्नै दलभित्रको भिन्न मतलाई सँगसँगै समेटेर लान सकेको भए यो समस्या आउने थिएन । अहिले जुन ढंगले नेकपामा बिवाद चुलिएको छ, यसले न नेकपालाई फाईदा छ न त देशलाई । त्यसैले आफू हारेर भए पनि पाटी र देश जिताउने अभियानमा नेताहरु लाग्नु पर्ने हो । तर लागेनन् । अहिले नेकपाका नेता निहित स्वार्थपूर्तिमा लागेका छन । सत्तास्वार्थको राजनीतिमा लागेका छन । कार्यकर्ताहरु भने पार्टी एकताकै पक्षमा देखिन्छ । यति बेला नेकपाका दोस्रो र तेसो तहका नेता–कार्यकर्ताहरू निरीह र निष्क्रिय देखिएका छन् । यो परिस्थितिमा सर्वशक्तिमान केन्द्रीय समिति सक्रिय हुनु पर्दथ्यो । नेकपाको पार्टी एकतालाई जोगाउने तागत केन्द्रीय समितिमा छ । विडम्बना, अध्यक्ष ओली यही केन्द्रीय समितिको बैठक टार्ने प्रयत्नमा देखिनु भएको छ । शीर्ष नेता हो , तपाईहरु आफू हारेर भए पनि पार्टीलाई जिताउनुहोस् । तपाईहरु आफू हारेर पनि पाटीलाई जिताउने बेला हो यो । सिद्धान्त बिधि पद्धतिलाई व्यवहारमा लागू गर्नुहोस् ।

Leave a Reply

Your email address will not be published. Required fields are marked *