मंगलबार नेपालमा थप ५२२ जनामा कोरोना भाइरस संक्रमण पुष्टि भएको छ । देशभर ४ हजार ५ सय ५१ पीसीआर परीक्षण गर्दा ५२२ मा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना संक्रमितको कुल संख्या २ लाख ६२ हजार ७८४ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या ५ हजार २२५ रहेको छ ।
पछिल्लो २४ घण्टामा ५७८ जना निको भएका छन् । हालसम्म संक्रमणमुक्त हुनेको संख्या २ लाख ५५ हजार ६६६ पुगेको छ । पछिल्लो २४ घण्टामा ८ जना थपिएसँगै कोरोनाका कारण ज्यान गुमाउनेको संख्या १ हजार ८९३ पुगेको छ।
यस्तै हालसम्म ३४२ जना क्वारेन्टिनमा रहेका छन् । नेपालमा हालसम्म १९ लाख ५७ हजार ४५४ जनाको पीसीआर परीक्षण गरिएको छ ।
लोकप्रिय समाचार
