त्रिशूलीमा गाडी खसेर बेपत्ता भएका सिँचाइ मन्त्रालयका सचिव रामानन्द यादव मृत भेटिएका छन् । सचिव यादव कपिलवस्तुमा छोरीको विवाहको टुंगो गरेर मन्त्रालय फर्किने क्रममा थिए । सचिव आफैँले चलाएको बा २ झ ३१४० नम्बरको गाडी शनिबार बिहान ३ बजेतिर पृथ्वी राजमार्ग अन्तर्गत धादिङको सलाङमा त्रिशूली नदीमा खसेको थियो । गाडीमा चार जना सवार थिए । दुर्घटनामा चालक निराजन यादव घाइते भएका छन् । उनलाई उद्धार गरेर ट्रमा सेन्टर काठमाडौं ल्याइएको छ ।
गाडीमा संगै सवार सचिव यादवका साथीको छोरी १५ वर्षीया उन्नति गुप्ताको शव निकालिएको छ भने यादवका छोरा २२ वर्षीय सन्तोष बेपत्ता छन् । प्रहरीका अनुसार, दुर्घटनाको कारण खुलेको छैन । प्रहरीले दुर्घटना बारे अनुसन्धान भइरहेको जनाएको छ ।
लोकप्रिय समाचार
