प्रधानमन्त्रि शेरवहादुर देउवा नेतृत्वको सरकारले लगातार एकपछि अर्को निर्णय गर्दै देशको ढकुटीमा व्रम्हलुट मच्चाएको आरोप लगाउँदै माओवादी केन्द्रका भातृ संगठन अखिल क्रान्तिकारीले ब्यङ्ग्य १ स्वरुप रूपैयाँ संकलन अभियान सुरु गरेको छ ।
क्रान्तिकारीले उपत्यका लगायत देशका मुख्य शहरहरुमा १ रूपैयाँका दरले चन्दा संकलन गरी जिल्ला प्रशासन कार्यालय मार्फत प्रधानमन्त्री देउवालाई वुझाउने कार्यक्रम तय गरेको उपाध्यक्ष सुरेन्द्र बस्नेतले जानकारी दिए ।
बस्नेतले भने( ‘ प्रधानमन्त्रीलाई आफ्ना दलका कार्यकर्ता भरणपोषण गर्न जति गरे पनि पुगेन । त्यसैले हामीले उहाँलाई चन्दा संकलन गरिदिन लागेका हौं।’
देउवाले हदैसम्म बम्हलुट गर्न थालेपछि सांकेतिक विरोध र भण्डाफोर अभियान चलाउन वाध्य भएको बस्नेतले दावी गरे।
क्रान्तिकारीले प्रधानमन्त्री देउवालाई १ रूपैयाँ अभियान आजबाटै उपत्यकाका कलेजहरुवाट सुरु गरेको छ । यो अभियान देशैभर चल्ने क्रान्तिकारीले जनाएको छ ।
