बैतडीको दशरथचन्द्र नगरपालिकामा मंगलबार साँझ करिव पौने आठ बजे परेको चट्याङ लागेर नेपाली सेनाका २२ जवान घाइते भएका छन्। चट्याङका कारण तालिममा रहेका जवान घाइते भएको सेनाका प्रवक्ता गोकुल भण्डारीले बताए। शत्रुमर्दन गुल्ममा तालिम गरिरहेका २२ जना घाइते भएका हुन्। घाइतेमध्ये पाँचको अवस्था गम्भीर रहेको छ। गम्भीर घाइते पाँचै जनाको चट्याङका कारण शरीर जलेको प्रवक्ता भण्डारीले बताए। घाइते पाँच जनाको स्थानीय अस्पतालमा उपचार सम्भव नभएकाले काठमाडौं ल्याउन नेपाली सेनाको हलिकप्टर पठाइएको छ।
लोकप्रिय समाचार
