काठमाडौंको जडिबुटीमा शुक्रवार बिहान भएको कार दुर्घटनामा कारमै सवार २१ वर्षीय युवकको मृत्यू भएको छ । बिहान सवा सात बजेतिर भएको दुर्घटनामा कार चालक सामान्य घाइते भएको प्रहरीले जनाएको छ । प्रहरीका अनुसार पेप्सीकोलाबाट जडिबुटी चोकतिर तिब्र गतिमा आइरहेको बा १० च २८६४ नम्बरको फियाटको कार अनियन्त्रित भई सडक पेटीमा ठोक्किँदा कारमा सवार २१ वर्षीय जितम गुभाजुको घटनास्थलमै निधन भएको हो ।
सामान्य घाइते भएका कार चालक वर्ष २१ का वीरेन्द्र श्रेष्ठ र क्षतिग्रस्त कार महानगरीय प्रहरी प्रभाग काँडाघारीको नियन्त्रणमा रहेको बताइएको छ । प्रहरीका अनुसार शव पोष्टमार्टमको लागि त्रिभुवन विश्वविद्यालय शिक्षण अस्पताल, महाराजगञ्ज लगिएको छ ।
लोकप्रिय समाचार
