पछिल्लो २४ घण्टामा नेपालमा ६०३ जनालाई कोरोना संक्रमण भएको पुष्टि भएको छ। स्वास्थ्य तथा जनसंख्या मन्त्रालयका अनुसार ४ हजार २८९ जनाको पीसीआर र ४५१ जनाको एन्टिजेन परीक्षण भएकोमा ६०३ जनालाई संक्रमण पुष्टि भएको हो।
यीमध्ये ५८० जनाको पिसिआर परीक्षणमा संक्रमण पुष्टि भएको हो भने २३ जनाको एन्टिजेन पोजेटिभ देखिएको मन्त्रालयले जनाएको छ।
योसँगै हालसम्म कोरोना संक्रमितको कुल संख्या २ लाख ८१ हजार ५८७ पुगेको छ।
पछिल्लो २४ घण्टामा कोरोना संक्रमणमुक्त हुनेको संख्या १२९ छ। योसँगै हालसम्म २ लाख ७४ हजार ४४७ जना संक्रमणमुक्त भएका छन्। हाल सक्रिय संक्रमितको संख्या ४ हजार ५६ छ।
लोकप्रिय समाचार
