म्यान्चेष्टर सिटीसँग पीएसजी पराजित

च्याम्पियन्स लिग फुटबल अन्तर्गत सेमिफाइनलको पहिलो लेगमा म्यान्चेष्टर सिटीसँग पेरिस सेन्ट जर्मेन (पीएसजी) पराजित भएको छ ।

बुधबार राति भएको खेलमा प्रिमियर लिग क्लब सिटीले पीएसजीलाई उसकै घरेलु मैदानमा २–१ गोलले हराएको हो ।

घरेलु मैदानमा फ्रान्सेली क्लब पीएसजीले १५औँ मिनेटमा मार्कुन्होसको गोलमा अग्रता लिए पनि त्यसलाई जोगाउन सकेन ।

६४औँ मिनेटमा ब्रुईनले पाहुना टोलीका लागि बराबरी गोल फर्काएका । त्यसको ७ मिनेटपछि रियाद महरेजले गोल गर्दै सिटीलाई जित दिलाए । डिबक्स बाहिर प्राप्त फ्रिकिकमा उनले गोल गरेका हुन् ।

पहिलो लेगमा प्राप्त जितसंगै सिटी सेमिफाईनलमा बलियो बनेको छ । घरेलु मैदानमा पहिलो लेगमै पराजित बनेपछि पीएसजीलाई दोस्रो लेगमा थप दबाब बढेको छ ।

Leave a Reply

Your email address will not be published. Required fields are marked *