डा.डिआर उपाध्याय,
नेपालमा दोस्रो लहरको कोरोना भाईरस अझै नियन्त्रणमा आउन सकेको छैन । सरकार र सम्वन्धित पक्षहरु कोरोना भाइरस नियन्त्रमा ल्याउन आफनो क्षमताले भ्याय सम्म लागीपरि रहेका छन । सवै भन्दा पहिला आफू सुरक्षित हुने र अरुलाई सुरक्षित गर्ने बानी हामी सवै नेपालीहरुले गर्ने गरौं । हामी आफै सुरक्षित हुँदा अरु पनि स्वत सुरक्षित हुन्छन ।
यो कुरा सवैले बुझन जरुरी छ । अहिले कोरोना भाइरस माहामारीका रुपमा देखिएको छ । यस्तो बेलामा आफनो घर बाहेक अरु कुनै ठाउँमा जाने काम कसैले नगरौ । घर भित्र पनि सामाजिक दुरी कायम गरेर बसौं ।
किन कि घर भित्र पनि सुरक्षित नहुन सक्छ । एक आपसमा सुरक्षित रहेर बसौं । कोरोना भाइरस कहिले नियन्त्रमा आउँछ त्यो कुनै ठेगान छैन । तर आशा गरौं , यो दोस्रो लहरको कोरोना भाइरस चाडै नियन्त्रमा आउँछ भनेर । यसलाई चाडो नियन्त्रमा ल्याउने भनेको तपाई हाम्रो अनुशासनमा भर पर्दछ । सरकारले तोकेको स्वास्थ्य मापदण्ड सवैले पालना गर्ने र गराउने काम गरौं । त्यसो भयो भने मात्र कोरोना भाइरस छिटो नियन्त्रमा आउँने छ ।
हामी आफै अनुशासनमा बस्ने बानी बसाल्यौं भने घर भित्र अनुशासन हुन्छ । घर भित्र अनुशासन भयो भने त्यसले समाजलाई अनुशासनमा राख्छ । समाज अनुशासित भयो भने सवै अनुशासित हुदै जान्छन । कसैको कुरा कसैले नसुन्ने र आफू भन्दा ठूलो समाजमा अरु कोही छैन भन्ने दम्भ देखाउने बानी छाडेनौं भने कसैलाई फाइदा हुने छैन ।
त्यसले आफूलाई र समाजलाई नै नोक्सानी पुयाउने छ । आज जसरी कोरोना भाइरस संक्रमितको संख्या जुन किसिमले दिनौं जसो बढी रहेको छ यो एउटा खतराको संकेत हो । कोरोना नेपाल भित्रनु भन्दा पहिला तपाई, हामीले गरेको अटेरी र हेलचेक्याइको परिणाम हो यो ।
सरकारलाई मात्र गाली गरेर हुदैन, सवै भन्दा पहिला तपाई हामीले सचेतना र सतर्कता अपनाउने हो । आफूले केही नगर्ने दोष सरकार माथि पोखेर मात्र हुदैन । नागरिकमा अटेरि पन बढी भयो । अहिले देशका बिभिन्न ठाउँमा निषेधाज्ञा जारी छ । तर पनि नागरिक त्यो निषेधाज्ञाको पालना गर्न आनाकानी गर्छन । सडकमा ननिस्कौं कोही पनि भन्दा मान्दैनन् । गाडीमा , मोटर साइकलमा प्रेस लेखेर पुलिसको आखाँ छल्नेहरुको जमात पनि धेरै नै देखियो ।
यसरी प्रेसको नाम दुरुपयोग गरेर धेरै मानिस हिडिरहेका छन । त्यसैले गर्दा सरकारले अव प्रेसलाई पनि कडाई गर्ने नीति ल्याएको छ । आज बाट प्रेस कार्डको निगरानी हुने भएको छ । सुचना बिभागको प्रेसपास बाहेक अरु मान्य नहुने कुरा आएको छ । यस्तो हुनुको कारण के हो भने प्रेसको नाममा भिडभाड बढेकोले हो । यो तपाई हाम्रो हितको लागी हो ।
प्रेसपासको दुरु प्रयोग हुन दिनु हुदैन । यसले राम्रो संकेत दिदैन । सुचना बिभागको प्रेसपास भएका पत्रकारलाई मात्र आवतजवातमा रोक लगाउनु हुदैन । अरु सवैलाई ठेगान लगाउनु पर्छ ।
अनाबश्यक रुपमा घर वाहिर निस्किनेलाई कारवाही गर्ने काम गरौं । त्यसो भयो भने कोही पनि बाहिर निस्कदैन । कोही पनि बाहिर ननिस्के पछि भिडभाड हुने कुरै भएन । कोरोना भाईरसलाई नियन्त्रणमा ल्याउने उत्तम उपाय भनेकै यही हो यो भन्दा अर्को कुनै बिकल्प छैन ।
एक ब्यक्तिवाट अर्को ब्यक्तिमा सर्ने प्राणघातक रोग हो यो कोरोना भाइरस । त्यसैले कसैले यो रोगको खेलवाड गर्नु हुदैन । आफू सुरक्षित रही अरुलाई पनि सुरक्षित बनाउने कोसिस सवै नागरिकले गरौं । धेरैलाई कोरोना भाइरस संग जुधेर बिजयी हासिल गर्नु परेको छ ।
