Logo
02 Feb 2023    १९ माघ २०७९, बिहीबार

ताजा खबर

सुनको मूल्यमा नयाँ रेकर्ड विश्वको शीर्ष १० धनीको सूचीबाट बाहिरिए अडानी कालीगण्डकीको देवशिला अयोध्यामा त्रिभुवन अन्तर्राष्ट्रिय विमानस्थलबाट ९ किलो सुनसहित क्यानडेली नागरिक पक्राउ विश्व कायस्थ कन्फ्रेन्सको दोस्रो स्थापना दिवस:वृद्धाश्रमलाई विभिन्न सहयोग कामना सेवा विकास बैंकका सिईओ बस्नेतसहित ४ जना पक्राउ

राष्ट्रपतिको कदम असंवैधानिक, तत्काल सपथ नगराउनु: सर्वोच्च अदालत

admin

शेर बहादुर देउवा सरकारको निर्णय उल्टाउने केपी ओली नेतृत्व सरकारको पहिलो कदमनै सर्वोच्च अदालतले रोक लगाइदिएको छ । तत्कालिन देउवा सरकारले राष्ट्रियसभाका लागि सिफारिस गरेको तीन जना सदस्यको नाम ओली सरकारले उल्टाइदिएको थियो । देउवा सरकारको निर्णय उल्टाउँदै ओली सरकारले तीन जना नयाँ नाम सिफारिस गरेको थियो ।

देउवा सरकारको निर्णय उल्टाउँदै केपी शर्मा ओली नेतृत्वको सरकारले डा. युवराज खतिवडा, रामनारायण बिडारी र विमला पौडेल राईलाई राष्ट्रियसभा सदस्यमा सिफारिस गरेको थियो । देउवा सरकारले गरेको सिफारिसलाई रोकेर राखेकी राष्ट्रपति विद्यादेवी भण्डारीले उसै दिन स्वीकृत गरेकी थिइन् ।

शुक्रबार देउवा सरकारका पाला राष्ट्रियसभामा सिफारिस भएका गोपालकुमार वस्नेत, कृष्णप्रसाद पौडेल र चाँदनी जोशीले शुक्रबार राष्ट्रपति कार्यालय, प्रधानमन्त्री केपी शर्मा ओली, मन्त्रीपरिषदको कार्यालयलगायतलाई विपक्षी बनाई रिट दायर गरेका थिए ।

यस मुद्दामा अन्तरिम आदेश जारी गर्दै न्यायाधीश प्रकाशमान सिंह राउतको एकल इजलासले छलफलको टुङ्गो नलागेसम्म ओली सरकारको सिफारिसमा नियुक्त भएका डा। युवराज खतिवडा, रामनारायण बिडारी र डा। विमला पौडेललाई माननीय सदस्यको हैसियतामा शपथ नगराउन भनेको छ ।

आदेशमा नेपालको कार्यकारिणी अधिकार संविधान र कानुनबमोजिम मन्त्रिपरिषदमा निहित हुने बताउँदै नेपाल सरकारले गरेको सिफारिस राष्ट्रपतिले फिर्तागर्न सक्ने प्रावधान संविधानमा उल्लेख भएको नदेखिएको र राष्ट्रपतिलाई कार्यकारी अधिकार प्रयोग गर्न पाउने संवैधानिक दायित्व सुम्पेको नदेखिएको पनि उल्लेख छ ।

‘तत्कालिन नेपाल सरकारले गरेको सिफारिस बिना संवैधानिक आधार राष्ट्रपतिले अस्वीकार गर्न मिल्ने नदेखिँदा राष्ट्रपतिबाट राष्ट्रिय सभाको सदस्यमा डा। युवराज खतिवडा, रामनारायण बिडारी र डा। विमला पौडेललाई गरेको मनोनयन उल्लेखित संवैधानिक प्रावधान अनुकुल देखिएन,’ आदेशमा भनिएको छ ।


लोकप्रिय समाचार
ताजा समाचार
धेरै पढिएको