गायिका शुशिलाले आफ्नो जन्मदिनमा लिएर आईन “सानीलाई” (भिडियो सहित)

सुमधुर आवाजकी धनी सुन्दरी गायिका शुशिला पाठकले आफ्ना दर्शक श्रोताहरुको लागि  आफ्नो जन्मदिनको अबसरमा निकै उत्कृष्ट गीतको म्युजिक भिडियो सार्बजनिक गरेकी छिन । छोटो समयमा चर्चाको शिखरमा पुगेर सांगीतिक क्षेत्रमा अलग पहिचान बनाउन सफल गायिका पाठक आफुलाई सांगीतिक क्षेत्रमा थप अब्बल गायिका बनाउने दौडमा रहेकी छिन । आफ्नो जन्मदिनको अवसर पारेर आफ्ना शुभेच्छुक,दर्शक श्रोताका लागि उपहार भन्दै आफ्नै स्वर तथा अभिनय रहेको म्यूजिक भिडियो सार्वजनिक गरेकी छिन् ।

समाजका विभिन्न बरिष्ट व्यक्तित्वहरु, संगीत तथा पत्रकारिता क्षेत्रका विभिन्न व्यक्तित्वहरु लगायत परिवार र नजिकका साथीभाईहरुको उपस्थितिमा गायिका शुशिलाले केक पनि काटेकी थिइन् । शुशिलालाई उनका गुरु तथा बरिष्ठ संगीतकार शिलाबहादुर मोक्तानले बधाई तथा शुभकामना मन्तव्य दिएका थिए । आधुनिक डान्सिङ बिटको “सानीलाई” बोलको गीतको प्रिमीयर गरेपश्चात गायिका पाठकले आफुलाई यो गीतले अघि बढ्नमा निकै सहयोग गर्नेमा विश्वस्त रहेको बताइन् ।

कुमार शिवाकोटीको शब्द तथा कल्याण सिंहको संगीत रहेको उक्त गीतको म्यूजिक भिडियोमा गायिका आफैले अभिनय गरेकी छिन् । बिशाल पौडेलेले एरेन्ज गरेको गीतमा सुम्निमा, राज र मिलनको कोरियोग्राफी रहेको छ । सचिन थापाले म्यूजिक भिडियोको निर्देशन गरेका हुन् ।

भिडियो :

Leave a Reply

Your email address will not be published. Required fields are marked *