राज कुन्द्रा २७ जुलाईसम्म प्रहरी हिरासतमा थिए । मुम्बई प्रहरीले राजलाई ७ दिन हिरासतमा राख्न आग्रह गरेको थियो । तर, अदालतले भने आग्रहलाई अस्विकार गरेको छ । अदालतले राजलाई थप १४ दिन न्यायिक हिरासतमा पठाएको छ ।
जेल पठाउनु भन्दा पहिला राजलाई जेजे अस्पतालमा मेडिकल चेकअप गरेर आर्थर रोड जेल पठाएको हो । राज कुन्द्राका वकिल जमानतको लागि उच्च अदालत गएका छन् त्यसको सुनुवाई भोली हुनेछ ।
राजको लागि अबको दिन झन मुस्किल पर्ने देखिएको छ । उनीविरुद्ध प्रहरीले लगातार प्रमाण जुटाइरहेको छ । प्रहरीले राजको ठोस प्रमाण खोजी रहेको छ । उनका नातेदार, कार्यालयका कर्मचारी, पार्टनरसँग पनि सोधपुछ गरिरहेको छ ।
प्रहरीले बैंक खाता, ल्यापटप, मोबाइलबाट पनि प्रमाणहरु जुटाउदै आएको छ भने सिटी बैंक र कोटक महिन्द्रा बैंकको अकाउन्ट पनि सिल गरेको छ । प्रहरीले कुनै पीडित आएर राजको बारेमा सबै बताउन समेत आग्रह गरेको छ ।
लोकप्रिय समाचार
