आईसीसीले कारवाहीस्वरूप दुवै टिमको दुई/दुई अंक काटेपछि भारतीय कप्तान विराट कोहलीले प्रतिक्रिया दिएका छन् ।
‘आईसीसीको निर्णयप्रति म पूर्णरूपमा सन्तुष्ट छैन । ओभर हाम्रो हातमा थियो । एक टिमको रूपमा हामी आईसीसीले दुई अंक काट्दा खुसी छैनौं,’ विराटले दोस्रो टेष्ट खेल्नुअघि भनेका छन्, ‘दोस्रो पारीमा हामीले केही सुधार गरेका थियौं । यो इनिङ्समा हामी दुई ओभर मात्र पछि थियौं ।’
आईसीसीको एलीट प्यानलका म्याच रेफ्री क्रिस ब्रोडले निर्धारित समयमा ओभर नसकेको भन्दै दुवै टिमको दुई/दुई अंक काटेको घोषणा गरेका छन् ।
यो सिरिज टेष्ट च्याम्पियनशिपको पहिलो श्रृंखला हो । च्याम्पियनशिपको अंकको महत्वपूर्ण भूमिका हुन्छ ।
भारत र इंग्ल्याण्डबीचको पहिलो टेष्ट वर्षाका कारण ड्र भएको थियो । वर्षा बाधक बनेपछि दुवै टिमले चार/चार अंक पाएका थिए ।
अब यी दुई टिमसँग दुई/दुई अंक बचेको छ ।
