Logo
05 Feb 2023    २२ माघ २०७९, आईतवार

ताजा खबर

नेपाली चर्चित रक ब्यान्ड MT.8848 को ‘सम्पत्ति’मा एलिश राई र स्मृती श्रेष्ठ(भिडियो) श्री स्वस्थानी ब्रत आज समापन गरिंदै राष्ट्रिय सभा उपाध्यक्षको मनोनयन आज नेपालको पहिलो गभर्नर हिमालय समशेर राणाको ९६ वर्षको उमेरमा निधन परराष्ट्रमन्त्री पौड्यालद्वारा श्रीलङ्काका राष्ट्रपतिसँग भेटवार्ता नेपाल–भारत बीचको सम्बन्ध अलौकिक र पुरानो

साल्ट ट्रेडिङ्गले २५ प्रतिशत बोनस शेयर र १० प्रतिशत नगद लाभांश वितरण गर्ने

admin

साल्ट ट्रेडिङ कर्पोरेसनले आफ्ना शेयरधनीलाई आ.व २०७३।७४ को मुनाफाबाट २५ प्रतिशत बोनस शेयर र १० प्रतिशत नगद लाभांश वितरण गर्ने भएको छ ।
कर्पोरेसनको ५१ औं साधारणसभाले सेयरधनीलाई २५ प्रतिशत बोनस सेयर र १० प्रतिशत नगद लाभांश वितरण गर्ने प्रस्ताव पारित गरेको हो ।
कर्पोरेशनले गत आ.व.मा ८ अर्ब ५८ करोडको कारोबार गर्दै ७६ करोड ९३ लाख मुनाफा आर्जन गरेको थियो । यो कारोबार रकम अघिल्लो आर्थिक वर्षको तुलनामा १ अर्ब ७५ करोड रुपैयाँ बढी हो ।
कर्पोरेशनले उपभोक्तालाई सर्वसुलभ रूपमा खाद्यान्न र नुन,चिनी तथा ग्यास सहित विभिन्न प्रकारका मलखादको बिक्री वितरण गर्दै आएको छ ।
पेट्रोल पम्पसमेत सञ्चालनको तयारी गरिरहेको कर्पोरेशनले काठमाडौं लगायत शहरको मुख्य स्थानमा पेट्रोलियम पदार्थको कारोबारका लागि पम्प सञ्चालन, तोरीको तेल तथा उखु उत्पादनमा लगानी गर्ने जानकारी कर्पोरेसनले दिएको छ । कर्पोरेसनकी महाप्रबन्धक उर्मिला श्रेष्ठले कर्पोरेसनको पुँजी वृद्धि, पेट्रोलियम पदार्थको कारोबार तथा उखु उत्पादनमा लगानी गर्ने बताइन । पम्प सञ्चालन गर्न ढिला भएको विषयमा सम्पूर्ण तयारी भए पनि नेपाल आयल निगमबाट अनुमति दिन ढिलाइ भएकोले थप काम अगाडि बढाउन नसकिएको उनको भनाइ रहेको थियो ।
कर्पोरेसनले आयोडिनयुक्त नुनको शतप्रतिशत पहुँचलाई उच्चप्राथमिता दिएको जनाएको छ ।
सर्वेक्षणअनुसार मुलुकका पाँच वर्षमुनिका ९४ प्रतिशत बालबालिकाले आयोडिन नुनको प्रयोग गर्छन् ।
कर्पोरेसनले चालू आवको माघ मसान्तसम्म ६ अर्ब ६६ करोड रुपैयाँ बराबरको कारोबार गरेको थियो । गत वर्षको सोही अवधिमा ५ अर्ब ४१ करोडको कारोबार भएको थियो । चालू आवमा कर्पोरेसनले १० अर्ब रुपैयाँ बराबरको करोवार गर्ने लक्ष्य राखेको छ । कर्पोरेसनले सरकारको अनुदानमा चालू आवमा बिक्री वितरणका लागि ५७ हजार मेट्रिक टन युरिया र २२ हजार टन डिएपी मल आयात भइसकेको जनाएको छ ।


लोकप्रिय समाचार
ताजा समाचार
धेरै पढिएको