काठमाडौँ : लामो सयमदेखि नेपाली सांगितक क्षेत्रमा निरन्तर रुपमा क्रियाशिल रहेका गायक तथा संचारकर्मि रामकृष्ण श्रेष्ठले नयाँ लोक पप गीत ‘रुपैको धाक नलाउ’ गीतको म्यूजिक भिडियो सार्वजनिक गरेका छन । युवा पुस्ताको जन–जिब्रोमा निस्कने रुपको प्रशंसालाई गीतमा समेटिएको गायक श्रेष्ठले बताए ।
गीतमा गायक श्रेष्ठसंगै चर्चित गायिका मिलन अमात्यको आवाज रहेको छ । अम्बिका गुरुङको शब्द, अशुसेन लामाको संगित, बवीराज घतानीको ऐरेन्ज, रहेको उक्त गीतको भिडियोलाई शुक्रबारदेखी सार्वजनिक गरिएको छ ।
सोनाम पाख्रीनको निर्देशनमा तयार भएको भिडियोलाई उत्सव दाहालले छायांकन गरेका छन भने सम्पादन सुशिल न्यौपानेको रहेको छ । भिडियोमा मोडल शिवदास गुरुङ, अस्मिता राना मगर, बिनिता तामाङ लगायतको उत्कृष्ट अभिनय देख्न सकिन्छ भने गायक स्वयं पनि भिडियो देखिएका छन । पोखराको रमणीय स्थानहरुमा छायांकन गरिएको भिडियो प्रति गायक श्रेष्ठ निकै आशावादी रहेका छन ।
म्युजिक भिडियोः
