यो साता सेयरबजारमा उतारचढाव देखिएको छ। आइतबार ह्वात्तै घटेको सेयरबजार सोमबार फेरि ह्वात्तै बढेको थियो।
तर मंगलबार फेरि ४४.१८ अंकले ओर्लिएको छ। नेपाल स्टक एक्सचेन्जका अनुसार आजको कारोबारमा २ सय २२ कम्पनी सामेल भएका छन्।
यी कम्पनीका एक करोड ५० लाख ८२ हजार कित्ता सेयर बिक्री भएको छ।
आज ८६ हजार ५०८ पटकमात्रै सेयर खरिदबिक्री भएको छ। कुल १३ उपसूचकमध्ये म्युचुअल फन्ड र अन्य समूहको मात्रै हरियो भएको छ। बाँकी उपसूचकहरु राताम्य छन्।
आज सानिमा लाइफ इन्स्योरेन्सका लगानीकर्ताले १० प्रतिशत कमाएका छन्। अघिल्लो दिन तीन दर्जन कम्पनीका लगानीकर्ताले १० प्रतिशत आम्दानी गरेका थिए।
त्यस्तै लगानीकर्ताहरुले आज ७.७३ प्रतिशतसम्म गुमाएका छन्।
आज सेयरबजारमा ६१ करोडसम्म अधिकतम कारोबार भएको छ।
लोकप्रिय समाचार
