काठमाडौं– ऊर्जामन्त्री वर्षमान पुनले एसईई परीक्षा अवधिभर लोडसेडिङ नगर्न भनि दिएको निर्देशन कार्यान्वयन नभएको पाइएको छ ।
आज ऊर्जामन्त्री पुनले नेपाल विद्युत प्राधिकरणका कार्यकारी निर्देशक कुलमान घिसिङलगायतका पदाधिकारीलाई एसईई परीक्षा अवधिमा लोडसेडिङ नहुने व्यवस्था मिलाउन निर्देशन दिएका थिए ।
तर, राजधानीलगायत देशका विभिन्न स्थानमा सदाझैं अघोषित रुपमा लोडसेडिङ भएको पाइएको हो ।
रातोपाटीले बिहिबार दिउँसो ऊर्जामन्त्रीले लोडसेडिङ निर्देशन दिएको समाचार सार्वजनिक गरेको थियो ्र तर ऊर्जामन्त्रीको निर्देशन अनुसार बेलुका सदाझैं अघोषित रुपमा लोडसेडिङ भइरहेको भन्दै गुनासो आएको हो ।
उपत्यकाका केहि स्थानमा समेत लोडसेडिङ भएको छ भने उपत्यकाबाहिर धेरै स्थानमा लोडसेडिङको समस्या देखिएको हो ।
हाल विद्युत प्राधिकरणले लोडसेडिङको तालिका सार्वजनिक नगरेको भएपनि अघोषित रुपमा भने लोडसेडिङ हुँदै आएको छ ।
