Logo
19 Apr 2024    ७ बैशाख २०८१, शुक्रबार

ताजा खबर

संस्थागत विद्यालयले एक महिनाको भन्दा बढी शुल्क लिइ भर्ना गराए कारबाही गर्ने महानगरको चेतावनी भारतमा आजबाट लोकसभा चुनाव यातायात भरपर्दो बनाउन निर्देशन तीन सहसचिव सचिवमा बढुवा स्वच्छ छवि बनाएका प्रहरी अतिरिक्त महानिरीक्षक सन्दिप भण्डारी भए सेवा निवृत्त त्रिभुवन विमानस्थलबाट एक किलो ७० ग्राम सुन बेवारिसे अवस्थामा फेला

लुम्बिनी विकास कोषले ५ हजार मानिस हट्ने हल निर्माण गर्ने

admin

रुपन्देही– लुम्बिनी विकास कोषले लुम्बिनीमा ५ हजार मानिस हट्ने हल निर्माण गर्ने तयारी गरेको छ ।

महामानव गौतम बुद्धको जन्मस्थल लुम्बिनीमा अहिलेसम्म औपचारिक कार्यक्रम गर्ने हल नभएपछि कोषले आफ्नै हल निर्माणको तयारी गरेको हो ।

आगामी बैशाख १७ गते २५६२ औं बुद्धजयन्ति समारोह तथा अन्तर्राष्ट्रिय बौद्ध सम्मेलनका अवसरमा हलको शिलन्यास गरिने लुम्बिनी विकास कोषले जनाएको छ । हल निर्माणको जिम्मा नेपाली सेनालाई दिने तयारी भएकोे छ ।

विश्व सम्पदासूचिमा सूचिकृत लुम्बिनीमा विभिन्न देशका गुम्बाहरुले गेष्टहाउस सहितका हल निर्माण गरेपनि कोषको हल नभएको भन्दै आलोचना हुदै आएको थियो ।

कोषसँग हल नहुँदा खुला स्थानमा कार्यक्रम गर्नुपर्ने र घाम, पानी तथा शीतलहरले समस्या हुँदै आएको थियो ।

लुम्बिनी विकास कोषका योजना प्रमुख इन्जिनियर सरोज भट्टराईले लुम्बिनीमा एकै पटक ५ हजार जनासँग चल्ने वाइफाई फ्रि गर्ने तयारी रहेको भन्दै लुम्बिनीसँगै कपिलवस्तुमा उत्खनन, देवदहमा सूचना क्षेत्र र रामग्राममा जग्गा अधिकरणको काम पनि भइरहेको बताए ।

यसैवीच अन्तर्राष्ट्रिय बौद्ध सम्मेलन अप्रील २८, २९ र ३० गरी ३ दिनसम्म हुनेछ ।

सो कार्यक्रममा २६ राष्ट्रका बौद्धमार्गिहरुले सहयागिता जनाउने लुम्बिनी विकास कोषका उपाध्यक्ष भन्ते भिक्षु अबधेश कुमार त्रिपाठीले जानकारी दिए ।

त्यस्तै प्रदेश नं. ५ का वातावरण, वन तथा पर्यटनमन्त्री लिला गिरीले अन्तर्राष्ट्रिय बौद्ध सम्मेलन लुम्बिनीमा हुँदा विश्वमा सकरात्मक सन्देश जाने भन्दै विगतमा लुम्बिनी विकास कोषमा भएका कमिकमजोरीलाई प्रदेश सरकारले परिष्कृत गर्दै लैजाने र केन्द्र सरकारले सार्क राष्ट्रका पर्यटकलाई फ्रि भिसाको व्यवस्था गरेपनि प्रदेश सरकारले लुम्बिनी भ्रमण गर्न आउने पर्यटकलाई थोरै कर लगाउने बताए ।


लोकप्रिय समाचार
ताजा समाचार
धेरै पढिएको