काभ्रेका लोकप्रिय युवा नेता गणेश लामाले केन्द्रिय सदस्य पदमा उम्मेदवारी घोषणा गरेका छन ।
कांग्रेसको १४ औं महाधिवेशनमा उनले केन्द्रिय सदस्यको लागि उम्मेदवारी दर्ता गराएका हुन । युवा नेता लामाले आज खुला तर्फ केन्द्रिय सदस्य पदमा उम्मेदवारी दिएका हुन । काभ्रे निर्वाचन क्षेत्र नं. १ बाट महाधिवेशन प्रतिनिधिमा ठुलो मतान्तरले विजयी भएका लामाले शेर बहादुर देउवा प्यानलबाट खुल्ला तर्फ उम्मेदवारी दिएका हुन । युवा माझ लोकप्रिय नेता लामा समाजसेवा संगै सफल युवा व्यवसायीको रुपमा समेत चिनिन्छन । सामाजिक कार्यमा सधै सक्रिय र तल्लिन रहने युवा नेता लामाको लगनशिलता र समाजप्रतिको उत्तरदायित्व वहनले देशभर उनको लोकप्रियता बढ्दो छ ।
आफु केन्द्रिय सदस्यमा निर्वाचित भए एकाधिकारवादको हावी गराउने प्रवृत्ति र प्रजातान्त्रिक गठन प्रणालीशून्य संगठन चलाउने नियतलाई निरुत्साहित गर्दै त्यसमा क्षमा दिन नसकिने जानकारी आफ्नो ५ बुंदे योजनामा उल्लेख गरेका छन । युवा पुस्ताको अग्रसरतालाई जोड दिदै आएका लामाले पार्टिलाई थप शक्तिशाली कार्यसमिति निर्माण गर्ने बताएका छन ।
