नेकपा माओवादी केन्द्रको संसदीय दलको बैठक संघीय संसद् भवनको ल्होत्से हलमा बसेको छ । बैठकमा प्रमुख सचेतक देव गुरुङले एमसीसी सम्झौताको व्याख्यात्मक घोषणाका ११ बुँदा सुनाएका छन् ।
ती बुँदामा एमसीसीभन्दा नेपालको संविधान माथि हुने, बौद्धिक सम्पत्तिमा नेपालकै हक लाग्ने, लेखापरीक्षण पनि नेपालको कानुनअनुसार हुने लगायतका कुराहरु समावेश रहेका छन् ।
बैठकमा माओवादीका अध्यक्ष पुष्पकमल दाहाल प्रचण्डले सम्बोधन गरेका छन् । उनले एमसीसी सम्झौताको सन्दर्भमा तयार गरिएको व्याख्यात्मक घोषणालाई अमेरिकाले सहमती जनाउने बताएका छन् ।
एमसीसी सम्झौता संसदबाट अनुमोदन गर्न सरकारलाई दबाब आएको भन्दै प्रचण्डले गठबन्धन जोगाएर व्याख्यात्मक घोषणाको विकल्प निकालिएको बताउ । यसअघि आज नै बसेको सत्ता गठबन्धनको बैठकले व्याख्यात्मक टिप्पणसहित अनुमोदन गर्ने निर्णय गरेको थियो ।
लोकप्रिय समाचार
