होलीको अवसरमा अमर्यादित गतिविधि गर्ने १२९ जनालाई काठमाडौंका विभिन्न स्थानबाट प्रहरीले नियन्त्रणमा लिएको छ । लोला हान्ने, बाटो हिँडिरहेका मानिसहरूलाई जथाभावी रंग हान्नेलगायतलाई प्रहरीले नियन्त्रणमा लिएको हो ।
७ जना महिला र १२२ जना पुरुषलाई नियन्त्रणमा लिइएको प्रहरीले जनाएको छ । वृत्त जनसेवाले सबैभन्दा धेरै ३१ जनालाई नियन्त्रणमा लिएको छ । यस्तै बानेश्वर वृत्तले २६ जनालाई नियन्त्रणमा लिएको छ भने, स्वयम्भु वृत्तले २० जनालाई नियन्त्रणमा लिएको छ ।
यस्तै बालाजु वृत्तले १२ जनालाई नियन्त्रणमा लिएको छ भने, गौशाला र दरबारमार्ग वृत्तले ६–६ जनालाई नियन्त्रणमा लिएको छ । बौद्ध र मालिगाउँ वृत्तले ५–५ जनालाई नियन्त्रणमा लिँदा महाराजगञ्ज वृत्तले ९ जनालाई नियन्त्रणमा लिएको छ । यस्तै लैनचौर वृत्तले ७ जना र कालिमाटी वृत्तले २ जनालाई नियन्त्रणमा लिएको छ ।
लोकप्रिय समाचार
