धनगढीस्थित साथी होटलमा प्रहरीले छापा मारेको छ । आज दिउँसो विशेष सुराकीको आधारमा छापा हान्दा होटलमा रहेको क्यासिनोबाट भारतीय मुद्रासहित म्यानेजरलाई कैलाली प्रहरीले नियन्त्रणमा लिएको छ ।
कैलाली प्रहरी प्रवक्ता एवम् प्रहरी नायब उपरिक्षक वीरबहादुर बुढामगरको नेतृत्वमा गएको टोलीले होटलका म्यानेजर सुजन दाहाललाई नियन्त्रणका लिएको हो ।
उनका अनुसार छापा हान्दा भारतीय नोट पाँच सय र दुई हजारको नोट क्यासिनोमा प्रयोग भएको थियो । उनले भारतीय एक सय भन्दा ठूला नोट प्रयोग गर्न नपाइने बताए । कैलाली प्रहरीले सो क्यासिनोबाट १० लाख पाँच हजार भारतीय रुपैयाँ बरामद गरेको छ ।
पक्राउ परेका दाहाललाई विदेशी मुद्रा अपचलन ऐनअनुसार कारबाही गरिने कैलाली प्रहरी प्रवक्ता बुढामगरले बताए ।
लोकप्रिय समाचार
