कुकुरको छाउराको फोटो मान्छेको लिंगजस्तै देखिएको भन्दै फेसबुकले हटाइदिएको छ । अनौठो लाग्ने यो घटना फिलिपिन्समा घटेको हो ।
एकजना फेसबुक प्रयोगकर्ताले फेसबुक पेजमा राखेको कुकुरको छाउराको तस्वीर पुरुष यौनांगकै आकारको देखिएको र यसले फेसबुकको सामाजिक मर्यादा नीतिको मापदण्ड विपरित देखिएको भन्दै फेसबुकले उक्त तस्वीरमाथि प्रतिबन्ध लगाएको हो ।
फिलिपिन्सको दाभाओ सहरमा बस्ने १६ वर्षका डोमिनिक इबाओसले आफ्नो घरमा पालेको मेक्सिकन प्रजातिको छाउरोको तस्वीर फेसबुकमा राखेका थिए । दिमित्री नामक मेक्सिकन प्रजातिको उक्त कुकुरको छिउमा कत्तिपनि रौँ छैनन् ।
डोमिनिकको हत्केलामा निदाएको अवस्थामा मुडुलो जिउ तथा चाउरिएको टाउको सहितको छाउरो ठ्याक्कै मानिसको लिंग आकारको देखिएको छ ।
उक्त तस्वीरले मापदण्ड उल्लंघन गरेकाले फेसबुक पेजबाट तस्वीरलाई हटाइदिएको भन्दै फेसबुकले तत्कालै डोमिनिकलाई सूचित गरेको थियो ।
तर उक्त पप्पी लिंगजस्तो आकारको भयो भन्ने कुराले आफूलाई अचम्मित पारेको डोमिनिक बताउँछन् ।
