एसईईको अन्तिम परीक्षा दिएर बसेका छात्राहरुमा हुने अन्तर्निहित क्षमतालाई उजागर गर्न लक्षित गर्दै आयोजना गरिएको सौन्दर्य एबं बौदिक प्रतियोगिता ‘मिस एसइइ स्टार २०१८’ को ट्यालेन्ट शो सम्पन्न भएको छ । भवानी ईन्टरटेन्मेन्टको आयोजनामा हुने प्रतियोगिताका प्रतिस्पर्धीहरुले नृत्य, गायन, अभिनय, चित्रकला र वक्तृत्व कलामा आ–आफ्नो प्रतिभा प्रदर्शन गरे ।
प्रतियोगितामा २५ प्रतियोगीहरुले प्रतिस्पर्धा गर्दैछन । प्रतियोगितामा सन्ध्या कोईराला, नेविशा कार्की, ईशा गुरुङ, युना गुरुङ, याना सिटौला, प्राश्ना श्रेष्ठ , सुश्मिता श्रेष्ठ, सरिना श्रेष्ठ, संगिता लम्साल, निशा ठकुरी, नारायणी पौडेल, स्वस्थानी बुढाथोकी , रिया चौधरी, सृस्टि डङ्गोल, ममाता मोक्तान, रितिका ढुंगेल , भगवती तमाङ, कृषा घिमिरे, सारीका पाण्डे, जुली देउला, स्वीकृती ढुंगेल, चांदनी थापा, मनिषा तमाङ, दितुका लवजु , बिनी लामा छन ।
प्रतियोगिताको कोरियोग्राफी सगुन पाण्डेले गरिरहेकी छिन् । उनीहरू अहिले विभिन्न प्रशिक्षणमा छन् । जेष्ठ १९ गते जमलस्थित राष्ट्रिय नाचघरमा आयोजना गरिने अन्तिम प्रतिस्पर्धाबाट ‘ मिस एसईई स्टार २०१८’ को चयन गरिने आयोजक संस्थाका अध्यक्ष सोनित राज ढुंगेलले बताए । मिस एसइइ स्टार –२०१८ का सहभागीहरुले राजधानीको सैपाल एकेडेमी तथा टेक्सास कलेजमा छात्रवृत्ति पाउने छन् ।
