Logo
02 Feb 2023    १९ माघ २०७९, बिहीबार

ताजा खबर

सुनको मूल्यमा नयाँ रेकर्ड विश्वको शीर्ष १० धनीको सूचीबाट बाहिरिए अडानी कालीगण्डकीको देवशिला अयोध्यामा त्रिभुवन अन्तर्राष्ट्रिय विमानस्थलबाट ९ किलो सुनसहित क्यानडेली नागरिक पक्राउ विश्व कायस्थ कन्फ्रेन्सको दोस्रो स्थापना दिवस:वृद्धाश्रमलाई विभिन्न सहयोग कामना सेवा विकास बैंकका सिईओ बस्नेतसहित ४ जना पक्राउ

केसीको जन्मदिनमा वरिष्ठ पत्रकार विजय रत्न तथा कलाकार रमेश सम्मानित

admin

 

हास्य कलाकारिता क्षेत्रका एक ख्यातिप्राप्त अभिनेता किरण के.सी.ले आज एक समारोह आयोजना गरेर आफ्नो ६० औं जन्मोत्सव मनाएका छन् । हास्यव्यङ्ग र नृत्य प्रस्तुतिहरुका साथ मनाएको जन्म दिनको कार्यक्रममा विभिन्न कलाकारहरु र एक जना चलचित्र पत्रकारलाई सम्मानित गरिएको छ । कार्यक्रममा सम्मानित हुने पत्रकार विजयरत्न तुलाधरलाई नगद दस हजार रकम र प्रमाणपत्र सहित सम्मानित गरिएको थियो भने अग्रज हास्य कलाकार रमेश के।सी। मट्टारेलाई पनि नगद राशी दस हजार सहित प्रमाण पत्र प्रदान गरिएको थियो । विगत केही वर्ष यतादेखि यसरी आफ्नो जन्म दिन असार १५को अवसर पारेर एक जना पत्रकार र कलाकारलाई नगद राशी सहित सम्मानित गर्दै आएका कलाकार किरण के।सी।ले यो वर्ष भने टेलिभिजन जगतबाट लय संग्रौला, लोक दोहोरी जगतबाट रामप्रसाद खनाल र म्युजिक भिडियो जगतका राज के।सी।लाई पनि सम्मानपत्र अर्पण गरे । हास्य अभिनेता किरण के.सी.को जन्मोत्सवको अवसरमा आयोजित आजको कार्यक्रममा रेडियो अडियोको तर्फबाट प्राप्त केक पनि काटिएको थियो । समारोहमा वरिष्ठ व्यक्तित्वहरु नीर शाह, गौरीशंकर धुंजु अनि हास्य जगतमा ख्याति कमाएका व्यक्तित्वहरु सन्तोष पन्त, शिवहरि पौडेल, मनोज गजुरेल, राजाराम पौड्याल, शैलेन्द्र शिम्खडा, बसुन्धरा भुसाल र ‘आमा’चलचित्रका अभिनेत्री द्वय चैत्य देवी र भुवन चन्द, अभिनेता भुवन के.सी,सुरेन्द्र केसी, मनोज आचार्य सङ्गीतकार चेतन सापकोटाका  जस्ता कलाकारकर्मिहरुको बाक्लो उपस्थिति रहेको थियो । कार्यक्रममा गायक तथा कलाकार यमन श्रेष्ठले आफ्नो लोकप्रिय गित प्रस्तुत गरेका थिए । आर्टिष्ट नेपालको तर्फबाट  ढुंगामा अकिंत उनको तस्वीर  मायाको चिनो तथा शुभकामना दिईएको  थियो ।


लोकप्रिय समाचार
ताजा समाचार
धेरै पढिएको