काठमाडौं। शुक्रबार बाट सार्वजनिक प्रदर्शनमा आएको चलचित्र ‘तिमी हुन्छौ जहाँ जहाँ’ले निकै उत्कृष्ट व्यापार सँगै ३० लाखमाथीको ग्रस कलेक्सन गरेको छ । शुक्रबार र शनिबार मात्रै ३० लाख माथी ग्रस लकेक्सन गरेको ‘तिमी हुन्छौ जहाँ जहाँ’ले हाल ८५ भन्दा बढी हलमा प्रदर्शन भैरहेको चलचित्रका निर्देशक बिकास वस्यालले जानकारी दिएका छन । लभ, रोमान्स र एक्सनले भरिपूर्ण चलचित्र हेरेर फर्किएका दर्शकहरुले चलचित्र निकै राम्रो र पछील्लो समयका चलचित्र भन्दा फरक कथा वस्तु सँगै मनिष र मलिनाको काम निकै तारिफ योग्य रहेको बताए।
निर्देशक बिकास बस्याल निर्देशित चलचित्रमा मदन दवाडीको प्रस्तुती, प्रकाश बास्कोटा, डालचन्द्र दवाडी र हरिप्रसाद अधिकारीको निर्माण,अर्जुन पोखरेलको संगीत, कविराज गहतराजको नृत्य निर्देशन र रामशरण उप्रेतीको छायांकन रहेको छ।
चलचित्रमा मनीष सुन्दर श्रेष्ठ र मलिना जोसीको साथमा स्वरूपपुरुष ढकाल, रवी गिरीका, तमन्ना केसी, गीता अधिकारी, विश्व बस्नेत लगायतका कलाकारहरुको भूमिका रहेको छ भने वर्षा शिवाकोटी अतिथि भूमिकामा प्रस्तुत भएकी छिन्।
