मिस ग्यालेक्सी २०१८ को पहिलो संस्करणको भव्य सफलता पश्चात राजधानीको दरवारमार्ग स्थित होटल मोति महलमा बिजेता तथा अन्य प्रतियोगीहरुलाइ प्रमाण पत्र वितरण कार्यक्रम सम्पन्न भएको छ । उक्त अवसरमा केक काटेर खुसियाली मनाउदै सक्सेस पार्टीको समेत आयोजना गरिएको थियो ।
ताज बिजेता न्यान्सी अग्रवाल फस्ट रनरअप निश्मा आचार्य र सेकेण्ड रनरअप सम्झना चौधरी लगायतका अन्य सम्पूर्ण प्रतियोगीहरुलाई प्रमाण पत्र प्रदान गरिएको थियो । उक्त प्रमाण पत्र वितरण कार्यक्रममा समाजका प्रतिष्ठित व्यक्तित्वहरु, सौन्दर्य प्रतियोगिताका आयोजक, समाजसेवी कलाकारहरु, पत्रकारहरु लगायतका अन्य व्यक्तिहरुको बाक्लो उपस्थिति रहेको थियो ।
उक्त अबसरमा बोल्दै आयोजक सस्था दक्ष्य इन्टरनेशनल प्रालिको अधक्ष्य टेक राज पाण्डेले प्रतक्ष्य वा अप्रत्क्ष्यरुपमा सहयोग पुर्याउने तथा उपस्थित सम्पूर्ण महानुभाबलाइ धन्यबाद दिएका थिए ।
