भक्तपुर फेरि पनि डुबानमा परेको छ । गएराति देखी परेको वर्षाले भक्तपुरकाे सल्लाघारी, राधेराधे, सिर्जनानगर लगायतका क्षेत्र डुबानमा परेका हुन् ।यसअघि २८ असारमा पनि भक्तपुर डुबानमा परेको थियो ।
आइतबार बिहानै प्रभावित क्षेत्रको निरीक्षण गरेका प्रमुख जिल्ला अधिकारी भट्टले भने, ‘सडक विभाग र नगरपालिकाको सक्रियतामा भासिएको ठाउँमा फिलिङ गर्ने र थप क्षति हुन नदिने काम भइरहेको छ ।’
तर, यातायात सेवामा भने प्रभाव नपरेको उनले जानकारी दिए । घरघरमा बाढी पसेपछि स्थानीयबासीको भने बिचल्ली भएको छ ।हनुमन्ते खोलाको बाढी भक्तपुरमा पस्ने गरेको छ । जग्गा कारोबारीले खोलालाई साँघुरो बनाउँदै घडेरी निकाल्दै गर्ने क्रम बढेकाले हरेक वर्ष बाढी भक्तपुरमा पस्ने गरेको स्थानीय बताउँछन् ।
लोकप्रिय समाचार
