Logo
19 May 2024    ६ जेष्ठ २०८१, आईतवार

ताजा खबर

अहिलेको कानुनी व्यवस्थाले सुनचाँदीको अवैध कारोबार बढ्यो:सुन चाँदी व्यवसायी गुप्ता ‘मिस एण्ड मिसेस ब्युटीफुल नेपाल २०२४’ को पहिलो अडिसन सम्पन्न, दोश्रो जेष्ठ १८ मा मंगलोदय श्रृजनशिल समाजद्वारा आरुघाटको निलकण्ठ आधारभूत विद्यालयलाई शैक्षिक सामाग्री प्रदान युवराज घिमिरेको हत्या आरोपमा सात जना लागुऔषध दुर्व्यसनी पक्राउ प्रतिनिधिसभाको बैठक २ बजेलाई सर्‍यो ललितपुर आगलागी : सञ्जय गरी पनि रहेनन्, एकै परिवारका चारै सदस्यको मृत्यु

उरुशा जोशी मिस ग्राण्ड नेपाल २०१८ उपाधि जित्न सफल

admin

सानेपास्थित हेरिटेज गार्डेनमा सम्पन्न भएको मिस ग्राण्ड नेपाल २०१८ को फाइनल प्रतिस्पर्धामा उरुशा जोशीले प्रतियोगिताको मुख्य उपाधि जित्न सफल भएकी छिन् । ‘तपाई मिस ग्राण्ड नेपाल २०१८ को उपाधि विजेताका रुपमा नेपालको संसदमा उपस्थित भएर वर्तमान अवस्थालाई विचार गरी नेपाल र नेपालीको हकमा बोल्नु परेमा, कुन विषयमा आवाज उठाउनु हुन्छ होला र किन ।’ भन्ने निर्णायक प्रश्नको उत्कृष्ट उत्तर दिएर उरुशाले मिस ग्राण्ड नेपाल २०१८ ताज पहिरिन सफल भएकी हुन् । उनलाई यस अघिका विजेता जिनश लामाले विजेताका ताज पहिराइ दिएकी थिइन् । उरुशाले विजेताका रुपमा नगद पुरस्कार रु पचास हजार, सुजुकीको स्कुटर तथा म्यानमारमा संचालन हुने मिस ग्राण्ड इन्टरनेसनल २०१८ का नेपालको प्रतिनिधित्व गर्ने अवसर प्राप्त गरेकी छिन् । उरुशाले वेष्ट वाकको उपाधि पनि जित्न सफल भइन् ।
प्रतियोगितामा वेष्ट पर्सनालिटीको अवार्ड सहित इक्सा मादेन फस्ट रनर अप तथा वेष्ट ट्यालेन्ट र फोटोजेनिकको अवार्ड सहित रिया गैरे सेकेन्ड रनर अप विजेता चयन भएका थिए । इक्सा र रियाले क्रमशः तीस हजार तथा बीस हजार नगद पुरस्कार प्राप्त गरे । फेसन डिजाइनर उत्तम बनेपालीले तयार पारेका पहिरनहरुमा सजिएका मिस ग्राण्ड नेपाल २०१८ का प्रतिस्पर्धीहरुले कोरियोग्राफर रोजिन शाक्यको कोरियोग्राफी अन्तर्गत आफ्नो प्रस्तुति दिएका थिए । आर के इन्टरटेन्मेन्ट ग्रुपको आयोजनामा संचालन भएको सो प्रतियोगितामा सुष्मिता तामाङ वेष्ट फिगर तथा वेष्ट स्पिच, संजिता रानाभाट मल्टिमिडिया, तथा सारा कपालीले वेष्ट रिपोर्ट राइटिङको अवार्ड जित्न सफल भएका थिए ।


लोकप्रिय समाचार
ताजा समाचार
धेरै पढिएको