दुबईमा आयोजना भएको मोडल सङ्गस अवार्डको सर्वोत्कृष्ट म्यूजिक भिडियो निर्देशन अवार्ड नन्दा बस्याल जितेकी छिन् ।
नेपालका चर्चित कलाकारहरुको प्रस्तुति सहित दुबईको एभेरष्ट क्लवमा सम्पन्न भएको उक्त कार्यक्रममा नेपाली कला, संस्कृति, सष्ट्रा तथा सर्जकको सम्मानमा समर्पित रहेको आयोजकले बताएका थिए । अन्तर्राष्ट्रिय अवार्ड’ भनिएको उक्त अवार्डमा राष्ट्रिय, चलचित्र, आधुनिक, भजन, लोकदोहोरी, पप, तीज गीत, फेशनलगायतका विभिन्न २८ विधामा अवार्ड प्रदान गरिएको थियो ।
नेपालमा सौन्दर्य प्रतियोगिता तथा विभिन्न फेशन शोहरु आयोजना गरेर चर्चा कमाएको पेजेन्ट नेपालको सहकार्यमा भएको अवार्ड कार्यक्रममा नन्दालाई तिज गितको सर्वोत्कृष्ट निर्देशन बापत उक्त अवार्ड प्रदान गरिएको थियो ।
सुर्खेतको वीरेन्द्रनगरमा २०४० सालमा जन्मिएकी नन्दा खेलाडी र कलाकारको रुपमा स्थापित छिन् । तेक्वान्दोकी ‘फाईभ डन’ नन्दाले कलाकारितामा पनि अब्बल बन्ने लक्ष्य राखेकी छिन् । गायिका, नायिक, नृत्य निर्देशक हुँदै निर्देशकसम्मको परिचय उनले बनाइसकेकी छन् ।
नन्दालाई खेलाडीको रुपमा जति चर्चित छिन कलाकारका रुपमा पनि उति नै लोकप्रिय छिन ।
चर्चित हाँस्यव्यङ्ग्य टेलिशृङ्खला ‘झ्याईकुटी झ्याई’ देखि अहिले उनी जनता टेलिभिजनबाट प्रशारण हुने नाटक ‘मानव’ मा अभिनय गरिरहेकी छिन् । करीव १ दर्जन विभिन्न संघ संस्थामा आवद्ध नन्दा समाज सेवामा समेत सक्रिय रुपमा लाग्दै आएकी छिन ।
