नेपालमा सफल सौन्दर्य प्रतियोगिता तथा विभिन्न फेशन शो हरु आयोजना गरेर चर्चा कमाएको मोडल सङ्गस नेपालको आयोजना तथा पेजेन्ट नेपालको एसोसिएट्समा युएईको दुबईमा सम्पन्न मोडल सङ्गस अवार्डमा प्रज्ञा ढुङ्गेलले वर्षको सर्वोत्कृष्ट मोडल(फेशन) तर्फको अवार्ड हात पार्न सफल भएकि छिन। नेपाली कला, संस्कृति, सष्ट्रा तथा सर्जकको सम्मानमा समर्पित अन्तर्राष्ट्रिय अवार्ड’ भनिएको उक्त अवार्डमा राष्ट्रिय, चलचित्र, आधुनिक, भजन, लोकदोहोरी, पप, तीज गीत, फेशनलगायतका विभिन्न २८ विधामा अवार्ड प्रदान गरिएको थियो।
भक्तपुरकी प्रज्ञा ढुङ्गेल वर्षको सर्वोत्कृष्ट मोडल(फेशन) को अवार्डबाट सम्मनित हुँदै ।
भक्तपुर, कटुन्जेकी प्रज्ञा ढुङ्गेल मिस नेपाल आइकन,२०१८ , मिस एण्ड मिसेज तीज,२०१८ तथा अन्य बिभिन्न फेशन शो हरुमा प्रतिस्पर्धी रहदै आफ्नो प्रस्तुती देखाएर फेशन तथा मोडलिङमा स्थापित भै सकेकि छिन। सिजि इन्स्टिच्युट अफ म्यानेजमेन्टबाट एमबिए पुरा गरेकिन ढुङ्गेल मोडलिङको साथसाथै अर्वान गर्ल नामक संस्थामा डिजिटल मार्केटिङ म्यानेजरको रुपमा आवद्द छिन। पछिलो समयमा उनी सामाजिक कार्यमा समेत उत्तिकै संलग्न्न रहदै आएकि छिन।
प्रज्ञाले मोडलिङ(फेशन) जगतमा छोटै समयमा पाएको सफलता तथा उनको कार्यको कदर गर्दै सर्वोत्कृष्ट मोडल(फेशन) तर्फको अवार्ड प्रदान गरिएको मोडल सङ्गस अवार्डको एसोसियट्स रहेको पेजेन्ट नेपालका सिइओ तथा कार्यक्रम निर्देशक राज लुइटेले बताउनुभयो।
