Logo
14 Jul 2024    ३१ असार २०८१, आईतवार

ताजा खबर

लागूऔषध कारोबार गरेको आरोपमा मलेसियन महिला पक्राउ पत्रकार अधिकारीलाई राष्ट्रिय पत्रकारिता पुरस्कार एवं सम्मान अमेरिकी पूर्वराष्ट्रपति डोनाल्ड ट्रम्पमाथि गोली प्रहार नयाँ प्रधानमन्त्रीको नियुक्ति आज, शपथ भोलि प्रधानमन्त्रीमा केपी शर्मा ओलीको नियुक्ति र शपथ आइतबार हुने कांग्रेस र एमालेद्वारा अध्यक्ष ओलीलाई प्रधानमन्त्रीमा नियुक्तिका लागि दाबी पेस

विमानस्थलमा सुन जाँचपास गर्ने कर्मचारी निलम्बित

Reporter

त्रिभुवन अन्तर्राष्ट्रिय विमानस्थल भन्सार कार्यालयबाट करिब सय किलो सुन जाँचपास गराउने कर्मचारीलाई निलम्बन गरिने भएको छ । मंगलबार स्कुटर र मोटरसाइकल ‘ब्रेक सु’को नामबाट ठूलो परिमाण तस्करी भएपछि भन्सार विभागले जाँचपासमा संलग्न कर्मचारीलाई निलम्बन गर्ने भएको हो ।

भन्सार विभागका प्रवक्ता पुण्यविक्रम खड्काकाअनुसार भन्सार जाँचपास अधिकृत रमेश चन्द र जाँचकी कुमार ढकालले गरेका थिए । भन्सार जाँचपासमा जाँचकी र तोकिएको अधिकृत पूर्ण रूपमा जिम्मेवार हुन्छन् । जाँचपासको सामान बाहिर लैजाने गेटपास पनि जाँचकीले बनाउनुपर्छ ।

यसैबीच विभागले घटनाका विषयमा छानबिन गर्न समिति बनाइएको छ । विभागको अनुसन्धान शाखाका निर्देशक मानबहादुर पौडेलको नेतृत्वमा छानबिन समिति गठन भएको हो । उक्त समितिले विमानस्थलको भन्सार जाँचपासमा क–कसको संलग्नता भएको भन्नेबारे छानबिन गर्नेछ ।

राजश्व अनुसन्धान विभागले भन्सार जाँच पास भएर निस्केको ८० देखि १०० किलो अनुमानित सुन मंगलबार बरामद गरेको थियो । यसको यकिन विवरण खुलिसकेको छैन । हङकङको क्याथे प्यासिफिक एयरलाइन्सबाट आएको स्कुटर र मोटरसाइकल ‘ब्रेक सु’मा राखेर उक्त सुन ल्याइएको हो । विभागले अहिलेसम्म यसमा संलग्न ६ जनालाई पक्राउ गरिसकेको छ ।


लोकप्रिय समाचार
ताजा समाचार
धेरै पढिएको