काठमाडौं । सरकारले पाँच जना सचिवको सरुवा र भर्खरै बढुवा भएका दुई सचिवको पदस्थापन गरेको छ ।
प्रधानमन्त्री तथा मन्त्रिपरिषद् कार्यालय स्रोतका अनुसार मन्त्रिपरिषद्को बुधबार बसेको बैठकले सचिवको सरुवा तथा पदस्थापन गर्ने निर्णय गरेको हो ।
मन्त्रिपरिषद्को निर्णयअनुसार काठमाडौंका प्रमुख जिल्ला अधिकारीबाट सचिवमा बढुवा भएका घनश्याम उपाध्याय बागमती प्रदेशको प्रमुख सचिवमा पदस्थापन भएका छन् । बागमतीका प्रमुख सचिव मुकुन्दप्रसाद निरौलाको उद्योग, वाणिज्य तथा आपूर्ति मन्त्रालयमा सरुवा भएको छ ।
भूमि, व्यवस्था, सहकारी तथा गरिवी निवारण मन्त्रालयका सचिव डा. दामोदर रेग्मी सार्वजनिक खरिद अनुगमन कार्यालयमा सरुवा भएका छन् । कार्यालयका सचिव मधुसुधन बुर्लाकोटी भने उपराष्ट्रपति कार्यालयमा सरुवा भएका छन् । उपराष्ट्रपति कार्यालयका सचिव तोयम राय राष्ट्रिय तथ्यांक कार्यालयमा सरुवा भएका छन् ।
