गृहमन्त्री नारायणकाजी श्रेष्ठ र प्रहरी महानिरीक्षक वसन्त कुँवर त्रिभुवन अन्तर्राष्ट्रिय विमानस्थल अनुगममा पुगेका छन्। गृहमन्त्रीसँगै भन्सार विभाग महानिर्देशक शोभाकान्त पौडेल र अध्यागमन विभाग महानिर्देशक झलकराम अधिकारी पनि सँगै छन्।
त्रिभुवन विमानस्थलबाट बाहिरिएको करिब १ सय किलो अवैध सुन बुधबार साँझ विमानस्थल भन्सार कार्यालय बाहिरबाट राजस्व अनुसन्धान विभागले बरामद गरेर अनुसन्धान गरिरहेको छ। असार ३० मा हङकङकबाट काठमाडौं ल्याइएको सुन ‘रेडी ट्रेड प्रालि’ ले मगाएको अनुसन्धानले देखाएको छ।
क्याथे प्यासेफिक एयरवेजको उडानमार्फत आएको सुन मोटरसाइकल र स्कुटरको ‘ब्रेक प्याड’ भनेर मगाएको भेटिएको छ। सुन तस्करी गरेको आरोपमा राजस्व अनुसन्धान विभागले चिनियाँ नागरिक जिक्वाङ लिनसहित १० जनालाई पक्राउ गरेर अनुसन्धान गरिरहेको छ।
लोकप्रिय समाचार
