काठमाडौं । गायिका सविना श्रेष्ठको ‘छोरी नम्बर वन’ को म्युजिक भिडियोको छायांकन सम्पन्न भएको छ । गम्भिर बिष्टको कोरियोग्रफि र निर्देशनमा रहेको म्युजिक भिडियोको सुटिङ सम्पन्न भएको हो ।
नेपाली सांगीतिक क्षेत्रमा उदाउँदो क्रममा रहेकी गायिका श्रेष्ठको यो चौथों गीत हो । गीतसंगीतमा निकै रुचि राख्ने गायिका श्रेष्ठलाई श्रीमानको पनि उत्तिकै सहयोग छ । कलाकारिता तथा कलाकारहरुलाई माया गर्ने उनका श्रीमान लोकेन्द्र श्रेष्ठ नेपाल प्रहरीका एस. पी. हुन् । श्रीमानको हौसलाले उनी यस क्षेत्रमा पहिचान बनाउने क्रममा छिन् ।
गीतका रचनाकार राजु बाबु श्रेष्ठ हुन् भने कम्पोजर हरि कर्माचार्यले गरेका छन् । भिडियोमा नायिका निश्मा घिमिरे र सुरेन्द्र बसेलको फिचरिङ रहेको छ ।
भिडियोको छायांकन अजय रेग्मीले गरेका हुन् । अरेन्ज साहस शाक्यको रहेको छ । भिडियो केहि दिनपछि सार्वजनिक गरिने गायिका सविनाले बताईन ।
