विभिन्न फेसन शो तथा राजधानी भित्र र बाहिर हुने सौन्दर्य प्रतियोगिताहरुमा आफ्नु कला / कौशल प्रस्तुत गरी सौन्दर्यकला / फेशन डिजाइन प्रेमी युवा युवतीहरु माझ चिरपरिचित नाम हो ममता बस्नेत। पेजेन्ट नेपालको सिईओ समेत रहनुभएकी ममता बस्नेत विगत केहि समय देखि राजधानीमा रही छोटो समयमा नै बिभिन्न फेशन शो तथा सौन्दर्य प्रतिस्पर्धाहरुमा फेशन डिजाइनिङको लागि पहिलो रोजाईमा पर्दै आउनु भएको छ।
पेजेन्ट नेपाल मार्फत देश भित्र र अन्तराष्ट्रीय स्तरमा नै विभिन्न सौन्दर्य संग सम्बन्धित कार्यक्रमहरु सन्चालन गर्दै आउनु भएकी फेशन डिजाइनर तथा इभेन्ट अर्गनाइजर ममता बस्नेतले मोडल सङ्ससंग पेजेन्ट नेपाल मार्फत एसोसिएट्सको रुपमा रही दुबईमा मोडल सङ्स अवार्ड सम्पन्न गर्नुभएको छ।
“नेपाली कला, संस्कृति, स्रष्टा तथा सर्जकको सम्मानमा समर्पित अन्तराष्ट्रीय अवार्ड” भनिएको उक्त अवार्डमा राष्ट्रिय, चलचित्र, आधुनिक, भजन, लोकदोहोरी, पप, तीज गीत, फेशनलगायतका विभिन्न २८ विधामा अवार्ड प्रदान गरिएको थियो । नेपालबाट गएका तीन दर्जन भन्दा बढि कलाकारहरुको सहभागितामा बिशेष प्रस्तुती सहित वर्ड दुबई को एभरेष्ट क्लबमा भव्य रुपमा कार्यक्रम सम्पन्न गरिएको उहाले जानकारी गराउनुभयो। दुबईमा सम्पन्न उक्त अवार्ड कार्यक्रम पश्चात उहा अहिले राजधानी भित्रैका विभिन्न इभेन्टहरुको लागि फेसन डिजाइनिङ तथा थाइल्याण्डमा हुने फेशन शो तथा सम्मान कार्यक्रमको तयारीमा व्यस्त रहनुभएको छ।
event organizer Fashion designer model songs award pageant nepal
